Lîm Hông-io̍k

Lîm Hông-io̍k (1986 nî 3 goe̍h 21 chhut-sì ), sī Tâi-oân ê chit-gia̍p iá-kiû soán-chhiú, bo̍k-chiân tī Tiong-hôa Chit-pāng Lo̍k-thian Thô-oân hāu-le̍k, siú-pī ūi-tì sī pó͘-chhiú, pēng-chhiáⁿ mā tiāⁿ-tiāⁿ í chí-tēng táⁿ-kek ê sin-hūn chiōⁿ-tiôⁿ. 2009 nî ê Sin-lâng Soán-siù-hōe, Lîm Hông-io̍k tī tē-3-lûn hō͘ La New Hîm kéng tio̍h, sī chit-kái soán-siù-hōe tē-11-ūi hőng kéng-tio̍h ê kiû-oân.

Lîm Hông-io̍k 林泓育
Lo̍k-thian Thô-oân – No. 11
Pó͘-chhiú, chí-tēng táⁿ-kek
Chhut-sì: 1986 nî 3 goe̍h 21 ji̍t （1986-03-21）(39 hòe)  Tiong-hôa Bîn-kok Tâi-lâm-chhī
Táⁿ-kek: chiàⁿ Tâu-kiû: chiàⁿ
Chho͘-chhù chhut-sài
2010 nî 3 goe̍h 21, tī La New Hîm
Seng-gâi sò͘-kì thóng-kè (chì 2024 nî ûi-chí)
Táⁿ-kek-lu̍t	0.324
An-táⁿ	1758
Choân-lûi-táⁿ	207
Táⁿ-tiám	1044
Thau-luí	13
Tūi-ngó͘
Kiû-oân sî-kî La New Hîm (2010 nî 1 goe̍h 18 – 2010 nî) Lamigo Thô-oân (2011 nî – 2019 nî 12 goe̍h 16) Lo̍k-thian Thô-oân (2019 nî 12 goe̍h 17 –) Kàu-liān sî-kî Lamigo Thô-oân chóng-kàu-liān (2011 nî 6 goe̍h 30)[1]
Seng-gâi cheng-chhái piáu-hiān kah ti̍t-chióng
Tiong-hôa Chit-pāng nî-tō͘ chóng-koan-kun: 2012, 2014, 2015, 2017–2019 Tiong-hôa Chit-pāng Choân-lûi-táⁿ-ông: 2011 Tiong-hôa Chit-pāng Táⁿ-tiám-ông: 2011, 2016 Tiong-hôa Chit-pāng Chòe-ka 10-jîn Chióng Pó͘-chhiú: 2011, 2016, 2019 Chí-tēng táⁿ-kek: 2013–2017 Tiong-hôa Chit-pāng Kim-chhiú-thò Chióng (Pó͘-chhiú): 2016 Tiong-hôa Chit-pāng nî-tō͘ MVP: 2011 Tâi-oân Tōa-sài Iu-siù Kiû-oân-chióng: 2011, 2018 Tiong-hôa Chit-pāng tan-goe̍h MVP: 2010/08, 2011/03, 2011/09, 2011/10, 2013/08, 2013/09, 2014/03, 2014/05, 2016/06, 2019/05, 2021/04 Tiong-hôa Chit-pāng Bêng-seng-sài: 2010–2015, 2019

2010 nî 1 goe̍h 18 chèng-sek í chhiam-iok-kim 400-bān, goe̍h-kip 10-bān ka-bêng La New Hîm, chhiam-iok-kim sī La New Hîm tūi-sú lāi-té siōng-koân ê kì-lo̍k. 2011 nî kiû-kùi, tit-tio̍h choân-lûi-táⁿ-ông kah Táⁿ-tiám-ông, pēng-chhiáⁿ hőng soán-chò nî-tō͘ MVP, sī choân liân-bêng thâu-chi̍t-ê tit-tio̍h nî-tō͘ MVP ê pó͘-chhiú, chū-án-ne tī keh-nî tit-tio̍h sì-tang 1188-bān ê ho̍k-sò͘-nî ha̍p-iok, ta̍k-nî goe̍h-kip hun-pia̍t sī 20, 22, 26, 31-bān, sī hit-tang-chūn siōng-siàu-liân, siōng-kín tit-tio̍h ho̍k-sò͘-nî ha̍p-iok ê kiû-oân, mā sī pó͘-chhiú siōng-tōa ê ha̍p-iok^[2].

2014 nî, in-ūi chit-pāng jîn-khì tau̍h-tau̍h-á tńg-lâi--ah, kiû-thoân kah Lîm Hông-io̍k ta̍t-sêng ōaⁿ-iok hia̍p-gī, ta̍k-nî goe̍h-kip pìⁿ-chò 40, 40, 45, 50, 55-bān^[3].

Sui-jiân siú-pī ūi-tì sī pó͘-chhiú, tān-sī āu--lâi tû-liáu 2016 nî í-gōa, chò pó͘-chhiú chiōⁿ-tiôⁿ ê tiôⁿ-chhù khah chió, sīm-chì chhiōⁿ 2014 nî kan-na nn̄g-tiôⁿ sī chò pó͘-chhiú, kî-thaⁿ ê sî-chūn lóng sī chò chí-tēng táⁿ-kek, 2015 nî pō͘-hūn chò pó͘-chhiú ê tiôⁿ-chhù koh sī Âng It-tiong chóng-kàu-liān phòe-ha̍p hit-tang Sè-kài Iá-kiû 12-kiông Sài Tiong-hôa-tūi chóng-kàu-liān Koeh Thài-goân (mā sī hit-tang-chūn Thóng-it 7-ELEVEn Sai ê tâu-chhiú kàu-liān) ê chhéng-kiû chiah an-pâi--ê^[4].

Keng-le̍k

• Tâi-lâm-koān Siān-hòa-tìn Siān-hoà Kok-sió Siàu-pāng-tūi
• Tâi-lâm-koān Bîn-tek Kok-tiong Chheng-siàu-pāng-tūi
• Tâi-lâm-chhī Lâm-eng Siong-kang Chheng-pāng-tūi
• Bûn-hòa Tāi-ha̍k (Bí-hu Kī-jîn) Iá-kiû-tūi
• Tiong-hôa Chit-pāng La New Hîm tāi-hùn kiû-oân
• Tiong-hôa Chit-pāng La New Hîm (2010 nî 1 goe̍h 18－2010 nî)
• Tiong-hôa Chit-pāng Lamigo Thô-oân (2011 nî－2019 nî 12 goe̍h 16)
• Tiong-hôa Chit-pāng Lo̍k-thian Thô-oân (2019 nî 12 goe̍h 17－)

Te̍k-sû Sū-chek

• 2011 nî 6 goe̍h 30 tī Thô-hn̂g Kok-chè Iá-kiû-tiôⁿ tam-jīm chi̍t-ji̍t chóng-kàu-liān, tùi-chiàn Hiaⁿ-tī Chhiōⁿ í 4:11 su-kiû.
• 2011 nî 9 goe̍h 23 tī Thô-hn̂g Kok-chè Iá-kiû-tiôⁿ tùi-chiàn Hiaⁿ-tī Chhiōⁿ kòng-chhut siang-hiáng-phàu, í pó͘-chhiú sin-hūn tan-kùi kòng chhut 17-ki hőng-bú-láng, chhiau-kòe 1992 nî Bī-choân Liông Tân Kim-bō͘ pó-chhî ê liân-bêng kì-lo̍k (15-ki). Tan-kùi 22-ki hőng-bú-láng mā sī Tiong-hôa Chit-pāng thâu-chi̍t-ê tit-tio̍h choân-lûi-táⁿ-ông ê pó͘-chhiú.
• 2016 nî 6 goe̍h 5 hō tī Tâi-tiong Chiu-chè Iá-kiû-tiôⁿ tùi-chiàn Gī-tāi Sai-gû, 7-kio̍k-siōng bīn-tùi Gê Hok-tek kòng chhut ko͘-hun hőng-bú-láng, ta̍t-sêng seng-gâi 100-hong.
• 2016 nî kiû-kùi tī Chòe-ka 10-jîn pau-pān chòe-ka chí-tēng táⁿ-kek kah chòe-ka pó͘-chhiú nn̄g-ê ūi-tì, sī liân-bêng sú-siōng thâu-chi̍t-lâng.
• 2017 nî 6 goe̍h 28 tī Thô-hn̂g Kok-chè Iá-kiû-tiôⁿ tùi-chiàn Tiong-sìn Hiaⁿ-tī, 10-kio̍k-hā bīn-tùi Kang Tiong-sêng kòng chhut seng-gâi thâu-chi̍t-ki chài-kiàn an-táⁿ.
• 2017 nî 8 goe̍h 10 hō tī Thô-hn̂g Kok-chè Iá-kiû-tiôⁿ tùi-chiàn Thóng-it 7-ELEVEn Sai, 9-kio̍k-hā bīn-tùi Tân Ūn-bûn khà chhut an-táⁿ, sī seng-gâi tē-1000-ki an-táⁿ, 795-tiôⁿ chhut-sài ta̍t-sêng chhian-an mā-sī sú-siōng siōng-kín^[5].
• 2018 nî 6 goe̍h 16 tī Thô-hn̂g Kok-chè Iá-kiû-tiôⁿ tùi-chiàn Tiong-sìn Hiaⁿ-tī, 11-kio̍k hā-pòaⁿ Tāi-táⁿ bīn-tùi Âng Sîn-ú kòng chhut seng-gâi thâu-chi̍t-ki chài-kiàn hőng-bú-láng, mā sī Tiong-hôa Chit-pāng sú-siōng tē-8-ki tāi-táⁿ chài-kiàn hőng-bú-láng.
• 2020 nî 10 goe̍h 11 tī Thô-hn̂g Kok-chè Iá-kiû-tiôⁿ tùi-chiàn Hù-pang Hān-chiòng, 5-kio̍k-hā bīn-tùi Sosa khà chhut tó-gōa-iá hong-hiòng ê it-lúi an-táⁿ, pēng-chhiáⁿ ū chi̍t-hun ê tá-tiám, sī seng-gâi tē-1400-ki an-táⁿ.
• 2024 nî 5 goe̍h 10 hō tī Lo̍k-thian Thô-hn̂g Iá-kiû-tiôⁿ tùi-chiàn Thóng-it 7-ELEVEn Sai, 8-kio̍k-hā bīn-tùi Pérez kòng chhut tiong-gōa-iá hong-hiòng ê nn̄g-hun hőng-bú-láng, ta̍t-sêng seng-gâi 200-hong; 6 goe̍h 18 kāng-khoán tī Lo̍k-thian Thô-hn̂g Iá-kiû-tiôⁿ tùi-chiàn Thóng-it 7-ELEVEn Sai, 1-kio̍k-hā bīn-tùi Logan kòng chhut chiàⁿ-gōa-iá hong-hiòng ê nn̄g-hun hőng-bú-láng, ta̍t-sêng seng-gâi chheng-hun táⁿ-tiám.

Chit-pāng Seng-gâi Sêng-chek

• (Chho͘-o͘-jī sī hit-nî siōng-hó ia̍h siōng-koân ê sêng-chek)

Nî-tō͘	Kiû-tūi	Chhut-sài	Táⁿ-sò͘	An-táⁿ	Hőng-bú-láng	Táⁿ-tiám	Thau-luí	Sa̋n-sín	Sì-sí	Lúi-táⁿ-sò͘	Siang-sat	Táⁿ-kek-lu̍t	Chiōⁿ-lúi-lu̍t	Tn̂g-táⁿ-lu̍t	OPS
2010	La New Hîm	105	380	115	8	66	1	62	15	165	14	0.303	0.337	0.434	0.771
2011	Lamigo Thô-oân	116	439	141	22	106	1	66	37	239	15	0.321	0.378	0.544	0.922
2012		64	234	69	6	51	0	35	15	105	8	0.295	0.359	0.449	0.808
2013		112	402	138	12	73	2	79	34	200	16	0.343	0.415	0.498	0.913
2014		102	387	121	16	60	0	61	20	189	18	0.313	0.372	0.488	0.860
2015		119	434	153	24	101	4	69	50	252	13	0.353	0.443	0.581	1.024
2016		106	418	167	23	108	0	66	34	278	8	0.400	0.458	0.665	1.123
2017		100	393	130	18	77	1	63	20	212	17	0.331	0.371	0.539	0.910
2018		87	271	93	6	49	0	45	15	135	8	0.343	0.399	0.498	0.897
2019		112	434	152	26	95	0	70	27	254	11	0.350	0.421	0.585	1.006
2020	Lo̍k-thian Thô-oân	105	397	124	13	70	1	81	12	185	10	0.312	0.349	0.466	0.815
2021		107	386	114	14	59	1	62	27	192	15	0.295	0.354	0.497	0.851
2022		91	310	80	8	37	0	74	18	124	8	0.258	0.309	0.400	0.709
2023		79	198	58	2	31	0	48	19	77	9	0.293	0.353	0.389	0.742
2024		95	335	103	9	61	2	51	35	148	9	0.307	0.370	0.442	0.812
Ha̍p-kè	15-tang	1500	5419	1758	207	1044	13	932	555	2755	179	0.324	0.383	0.508	0.891