Pak-ke̍k-iûⁿ

Pak-ke̍k-iûⁿ oân-choân khiā tī Pak-ke̍k tē-tài, sī sè-kài 5 tōa-iûⁿ tang-tiong siōng sè koh siōng chhián ê. Pak-ke̍k-iûⁿ "té" tī 1 ê kīn îⁿ-hêng ê phûn-tē lāi-té, i só chiàm ê bīn-chek iok-lio̍k 1,409-bān pêng-hong kong-lí. Pak-ke̍k-iûⁿ kiōng beh hō͘ lio̍k-tē ûi tiâu leh: Au-A Tāi-lio̍k, Pak Bí-chiu, Chheⁿ-tē, kap kúi-nā-lia̍p tó. Lēng-gōa koh sio-chiap Barents-hái, Beaufort Hái, Chukchi Hái, Kara Hái, Laptev Hái, Tang Siberia Hái, Lincoln Hái, Wandel Hái, Greenland Hái, kap Norge Hái. Bering Hái-kiap kā Pak-ke̍k-iûⁿ, Thài-pêng-iûⁿ liâm chò-hóe; Greenland Hái chiap khì Tāi-se-iûⁿ.

Tē-kiû ê 5 Tōa-iûⁿ:

Ìn-tō͘-iûⁿ Lâm-ke̍k-iûⁿ Pak-ke̍k-iûⁿ Tāi-se-iûⁿ Thài-pêng-iûⁿ

Pak-ke̍k-iûⁿ

Tē-tiám

Chúi-sin chú-iàu tī Pak-ke̍k-khoan lāi

Tē-lí chō-piau

90 00 N, 0 00 E

Bīn-chek

• Choân-pō·: 1,405.6-bān pêng-hong kong-lí (Bí-kok ê 1.5 pōe khah sè--tām-po̍h-á).

Hái-hoāⁿ-soàⁿ

45,389 km

Khì-hāu

Ke̍k-tē-sèng thiⁿ-sî, thàu-nî-tang koâⁿ, khì-un piàn-hòa iú-hān. Tang-thiⁿ ê te̍k-chit: kui-ji̍t àm-thiⁿ, khì-hāu ún-tēng, gàn, chió-hûn. Joa̍h-thiⁿ kui-ji̍t thiⁿ-kng, sip koh bông ê thiⁿ-khì, ū-sî ū cyclone kiam lo̍h-hō, lo̍h-seh.