Steven Moya
From Wikipedia, the free encyclopedia
Remove ads
Steven Moya Mercedes (1991 nî 8 goe̍h 9 hō chhut-sì ), sī tī Pho-to-lī-ko chhut-sì ê To-bêng-nî-ka iá-kiû soán-chhiú, bat tī Bí-kok Chit-pāng Té-te̍k-lu̍t Hó͘ kah Ji̍t-pún Chit-pāng Tiong-ji̍t Liông, O͘-le̍k-sū Béng-gû hāu-le̍k, chit-má tī Tiong-hôa Chit-pāng Tâi-kǹg Hiông-eng, teng-lo̍k-miâ sī Mô͘-eng (Hôa-gí:
 | 這篇文章有漢字兮版本。 參考這篇文章兮漢字版本。 |
Remove ads
Seng-gâi
Tī Pho-to-lī-ko chhut-sì, pē-bú lóng sī To-bêng-nî-ka-lâng, só͘-í tī chhut-sì nn̄g-kò͘-goe̍h liáu-āu kah pē-bú tńg--khì To-bêng-nî-ka tòa.
Bí-kok Chit-pāng Sî-kî
2008 nî 10 goe̍h 1 hō kah Té-te̍k-lu̍t Hó͘ chhiam--loeh ha̍p-iok, chèng-sek khai-sí chit-pāng seng-gâi, pēng-chhiáⁿ tī 2009 nî tī To-bêng-nî-ka Hā-kùi Liân-sài tang-tiong chhut-sài, lóng-chóng chhut-sài 60-tiôⁿ pí-sài, ū 55-ki an-táⁿ, 6-ki hőng-bú-láng, táⁿ-kek-lu̍t 0.252.
2012 nî, in-ūi tio̍h-siong chiap-siū Tommy John chhiú-su̍t, tī 1A chhut-sài 59-tiôⁿ pí-sài, 70-ki an-táⁿ kah 9-ki hőng-bú-láng, táⁿ-kek-lu̍t 0.288.
2014 nî, ji̍p-soán Bī-lâi chi Chheⁿ Bêng-seng-sài, pēng-chhiáⁿ tī 9 goe̍h 1 hō peh chiōⁿ-khì Tāi Liân-bêng, seng-gâi thâu-chi̍t-ê táⁿ-se̍k tio̍h khà chhut an-táⁿ. Hit-nî i tī Tāi Liân-bêng chhut-sài 11-tiôⁿ pí-sài, khà chhut 3-ki an-táⁿ, táⁿ-kek-lu̍t 0.375.
2015 nî, tōa-pō͘-hūn sî-kan lóng tī 3A chhut-sài, it-ti̍t kàu 9 goe̍h khok-pian liáu-āu tī Tāi Liân-bêng kan-na 9-tiôⁿ chhut-sài.
2016 nî, Tāi Liân-bêng chhut-sài 31-tiôⁿ pí-sài, ū 24-ki an-táⁿ kah 5-ki hőng-bú-láng, táⁿ-kek-lu̍t 0.255.
2017 nî 3 goe̍h 31, hőng sóa-chhut 40-lâng miâ-toaⁿ, pēng-chhiáⁿ hőng pàng--lo̍h-khì 3A, āu--lâi chiâⁿ-chò chū-iû kiû-oân.
Ji̍t-pún Chit-pāng Sî-kî
2017 nî 12 goe̍h 1 hō, kah Tiong-ji̍t Liông chhiam--loeh chi̍t tang ê ha̍p-iok, pēng-chhiáⁿ tī 2018 nî 4 goe̍h 20 thâu-chi̍t-pái chhut-sài, hit-tang lóng-chóng chhut-sài 46-tiôⁿ pí-sài, ū 28-ki an-táⁿ kah 3-ki hőng-bú-láng, táⁿ-kek-lu̍t 0.301.
2019 nî, tī Tiong-ji̍t Liông kan-na chhut-sài 7-tiôⁿ, tio̍h tī 6 goe̍h 30 kah Siông-chéng Ngá-jîn (松井雅人) kah Siông-chéng Iū-kài (松井佑介) hőng 交易去O͘-le̍k-sū Béng-gû, Tiong-ji̍t Liông ōaⁿ-tio̍h Siông-ia̍p Kùi-tāi (松葉貴大) kah Bú-tiân Kiān-ngô͘ (武田健吾). Kî-tiong O͘-le̍k-sū sī í 2 ōaⁿ 2, koh iōng chîⁿ kā Moya bé--lo̍h-lâi chiah oân-sêng chit-ê kau-e̍k[1].
2019 nî 7 goe̍h 3 hō, tī tùi-chiàn Chhian-ia̍p Lot-theh Hái-iôⁿ ê pí-sài tang-tiong kòng chhut hőng-bú-láng, chiâⁿ-chò Ji̍t-pún Chit-pāng sú-siōng tē-sì-ūi tī kâng-chi̍t sài-kùi lāi-té hun-pia̍t tī Tiong-iong Liân-bêng kah Thài-pêng-iôⁿ Liân-bêng lóng kòng chhut hőng-bú-láng ê soán-chhiú, i hit-nî lóng-chóng tī O͘-le̍k-sū chhut-sài 64-tiôⁿ pí-sài, kòng chhut 59-ki an-táⁿ kah 10-ki hőng-bú-láng, táⁿ-kek-lu̍t .244.
2021 nî, i chhut-sài 106-tiôⁿ pí-sài, sī seng-gâi siāng-koân, ū 13-ki hőng-bú-láng, tān-sī in-ūi táⁿ-kek-lu̍t khah kē só͘-í tī kiû-kùi kiat-sok liáu-āu chiâⁿ-chò chū-iû kiû-oân.
Be̍k-se-ko Liân-bêng Sî-kî
2023 nî 1 goe̍h 6 hō, kah Tijuana Gû-káng chhiam-iok, m̄-koh kiû-kùi á-bōe khai-sí tio̍h ka-bêng Tāi-se-iôⁿ Liân-bêng ê Ka-su-thok-nî-a Phang-bi̍t Phah-la̍h-chiá pēng-chhiáⁿ chhut-sài 11-tiôⁿ pí-sài. 5 goe̍h 16, kah Monclova thih-lâng chhiam-iok, tńg--khì kàu Be̍k-se-ko Iá-kiû Liân-bêng, tān-sī phah 3-tiôⁿ pí-sài liáu-āu tio̍h tī 8 goe̍h 1 hō koh-chi̍t-pái tńg--khì Ka-su-thok-nî-a Phang-bi̍t Phah-la̍h-chiá Tūi.
Iá-kiû Liân-ha̍p-hōe Sî-kî
2023 nî 10 goe̍h 23, hō͘ sin sêng-li̍p--ê Iá-kiû Liân-ha̍p-hōe tī soán-siù-hōe lāi-té í tē-it-lûn tē-jī-ūi hō͘ Karachi Kun-chú kéng-tio̍h, sài-kùi ī-kè beh tī 2025 nî khai-sí[2].
Tiong-hôa Chit-pāng Sî-kî
2024 nî 1 goe̍h 24, kah Tâi-kǹg Hiông-eng chhiam-iok, chiâⁿ-chò tūi-sú thâu-chi̍t-ê gōa-che̍k iá-chhiú, teng-lo̍k-miâ sī "Mô͘-eng"[3].
2024 nî 7 goe̍h 17, tī Tâi-lâm Chhī-li̍p Iá-kiû-tiôⁿ tùi-chiàn Thóng-it Sai, 6-kio̍k-siōng bīn-tùi Phoaⁿ Ui-lûn, kòng chhut seng-gâi tī Tiong-chit thâu-chi̍t-ki móa-lúi hőng-bú-láng.
2024 nî tit-tio̍h choân-lûi-táⁿ-ông, táⁿ-tiám-ông, 30-ki hőng-bú-láng m̄-nā sī kò-jîn seng-gâi tan-kùi siāng-koân--ê kì-lo̍k, mā hō͘ i chiâⁿ-chò Tiong-hôa Chit-pāng le̍k-sú-siāng tē-4-ūi tan-kùi 30-ki hőng-bú-láng ê gōa-che̍k iá-chhiú, tī chit-nî ê bêng-seng-sài lāi-té, mā tit-tio̍h Choân-lûi-táⁿ Tōa-sài ê koan-kun. nî-té Tâi-kǹg Hiông-eng kiû-thoân kong-pò͘ iōng chóng-kè-ta̍t 57.5-bān Bí-kim ê ha̍p-iok sòa-iok chi̍t-tang.
2025 nî 5 goe̍h 4 hō, tī Toā-pi-ô͘ Iá-kiû-tiôⁿ tùi-chiàn Tiong-sìn Hiaⁿ-tī, 1-kio̍k-hā tī chêng-chi̍t-hoan Ông Pek-iông kòng chhut hőng-bú-láng liáu-āu, Mô͘-eng bīn-tùi Lô͘ Bēng-iông mā tòe leh kòng chi̍t-ki hőng-bú-láng, sī Tâi-kǹg Hiông-eng tūi-sú thâu-chi̍t-pái chhut-hiān back-to-back ê hőng-bú-láng.
Remove ads
Chit-pāng Seng-gâi Sêng-chek
Bí-kok Chit-pāng
Ji̍t-pún Chit-pāng
Tiong-hôa Chit-pāng
Remove ads
Chham-khó Chu-liāu
Gōa-pō͘ Liân-kiat
Wikiwand - on
Seamless Wikipedia browsing. On steroids.
Remove ads