Phoaⁿ Ui-lûn

Phoaⁿ Ui-lûn (1982 nî 3 goe̍h 5 hō chhut-sì ), phian-miâ tú-tu, sī Tâi-oân ê iá-kiû soán-chhiú, seⁿ tī Pîn-tong-koān Bân-bân-hiong, sī Makatao-cho̍k hō͘-è. I tī 2003 nî Kùi-chho͘ Soán-siù hō͘ Thóng-it Sai kéng ji̍p-khì, sī hit nî ê soán-siù chiōng-goân. Bat tī Tiong-hôa Chit-pāng Thóng-it 7-ELEVEn Sai hāu-le̍k, siú-pī ūi-tì sī tâu-chhiú. 2024 nî 9 goe̍h 29 tī Tâi-pak Tōa-kī-tàn ín-thè, kiat-sok 22-tang ê soán-chhiú seng-gâi, chit-má sī Thóng-it Sai it-kun ê tâu-chhiú kàu-liān.

Phoaⁿ Ui-lûn 潘威倫
Thóng-it 7-ELEVEn Sai – No. 18
It-kun tâu-chhiú kàu-liān
Chhut-sì: 1982 nî 3 goe̍h 5 ji̍t （1982-03-05）(43 hòe)  Tiong-hôa Bîn-kok Pîn-tong-koān Bân-bân-hiong
Táⁿ-kek: chiàⁿ Tâu-kiû: chiàⁿ
Chho͘-chhù chhut-sài
2003 nî 3 goe̍h 9 hō, tī Thóng-it Sai
Chòe-āu chhut-sài
2024 nî 9 goe̍h 28, tī Thóng-it 7-ELEVEn Sai
Seng-gâi sò͘-kì thóng-kè (chì 2024 nî ûi-chí)
sèng-tâu — pāi-tâu	149－109
tiong-kè — kiù-oān	5－0
sa̋n-sín — sì-sí	1187－407
hông-gū-lu̍t	3.61
Tūi-ngó͘
Kiû-oân sî-kî Thóng-it Sai / Thóng-it 7-ELEVEn Sai (2003 nî－2024 nî) Kàu-liān sî-kî Thóng-it 7-ELEVEn Sai it-kun tâu-chhiú kàu-liān (2025 nî－)
Seng-gâi cheng-chhái piáu-hiān kah ti̍t-chióng
Tiong-hôa Chit-pāng nî-tō͘ chóng-koan-kun: 2007, 2008, 2009, 2011, 2013, 2020 Tiong-hôa Chit-pāng Sin-jîn-ông: 2003 Tiong-hôa Chit-pāng Sèng-tâu-ông: 2007 Tiong-hôa Chit-pāng Bêng-chheⁿ-sài: 2009 Tiong-hôa Chit-pāng Chòe-ka 10-jîn Chióng (tâu-chhiú): 2007 Tiong-hôa Chit-pāng Kim-chhiú-thò Chióng (tâu-chhiú):2003, 2006, 2010 Tiong-hôa Chit-pāng tan-goe̍h MVP: 2003/08, 2005/10, 2007/05, 2007/09, 2008/04, 2008/07, 2008/08, 2009/06, 2011/03 Tiong-hôa Chit-pāng Bêng-chheⁿ-sài: 2003, 2004, 2005, 2006, 2007, 2008, 2009, 2010, 2011, 2014, 2015, 2017 Tiong-hôa Chit-pāng chóng-koan-kun-sài Iu-siù Kiû-oân-chióng: 2008 Tiong-hôa Chit-pāng Tong-san-chài-khí Chióng: 2019 Tiong-chit siōng kín 100-sèng kì-lo̍k pó-chhî-jîn (207-tiôⁿ chhut-sài ta̍t-sêng)

Phoaⁿ Ui-lûn

Tit-kàu ê chióng
Lâm-chú iá-kiû
Tāi-piáu  Tiong-hôa Tâi-pak
A-chiu Ūn-tōng-hōe
	2002 nî Hú-san	thoân-tūi
	2006 nî Tō͘-ha	thoân-tūi
	2010 nî Kng2-tsiu1	thoân-tūi
A-chiu Iá-kiû Kím-phiau-sài
	2003 nî Sapporo	thoân-tūi
Chiu-chè-poe Iá-kiû-sài
	2006 nî Tâi-tiong	thoân-tūi

Keng-le̍k

• Pîn-tong-koān Bân-bân-hiong Chhiah-soaⁿ Kok-sió Siàu-pāng-tūi
• Pîn-tong-koān Bí-hô Tiong-ha̍k Chheng-siàu-pāng-tūi
• Pîn-tong-koān Bí-hô Tiong-ha̍k Chheng-pāng-tūi
• Pia̍t-hú Tāi-ha̍k Iá-kiû-tūi
• Ha̍p-chok Kim-khò͘ Iá-kiû-tūi
• Tiong-hôa Chit-pāng Thóng-it Sai／Thóng-it 7-ELEVEn Sai (2003 nî－2024 nî 9 goe̍h 29)
• Tâi-oân Chit-pāng Kiû-oân Kang-hōe tē-2-kài lí-sū (2008 nî 12 goe̍h 6 hō－2010 nî 2 goe̍h 6 hō)
• Tiong-hôa Chit-pāng Thóng-it 7-ELEVEn Sai it-kun tâu-chhiú kàu-liān (2025 nî－)

Te̍k-sû Sū-chek

2013 nî chún-pī beh tâu-kiû ê Phoaⁿ Ui-lûn

• 2003 nî 3 goe̍h 9 hō, tī Tâi-lâm Iá-kiû-tiôⁿ tùi-chiàn Tē-it Kim-kong ê pí-sài sian-hoat chiōⁿ-tiôⁿ, tī i seng-gâi thâu-chi̍t-pái teng-pán tio̍h tit-tio̍h thâu-chi̍t-sèng.
• 2005 nî 7 goe̍h 1 hō, tī Pîn-tong Koān-li̍p Iá-kiû-tiôⁿ tùi-chiàn Sêng-thài COBRAS, tit-tio̍h kò-jîn thâu-chi̍t-pái tiòng-kè sêng-kong.
• 2007 nî 9 goe̍h 21, tī Tâi-lâm Iá-kiû-tiôⁿ tùi-chiàn Hiaⁿ-tī Chhiōⁿ, chiâⁿ-chò Tiong-hôa Chit-pāng thâu-chi̍t-ūi tan-kùi 15 liân-sèng ê tâu-chhiú.
• 2007 nî 10 goe̍h 8 hō, tī Tâi-lâm Iá-kiû-tiôⁿ tùi-chiàn La New Hîm, tit-tio̍h tan-kùi 16 liân-sèng, sī Tiong-hôa Chit-pāng liân-sèng ê sin kì-lo̍k (pau-hâm hāⁿ-kùi).
• 2007 nî kiû-kùi kiat-sok, Phoaⁿ Ui-lûn sī Tiong-hôa Chit-pāng thâu-chi̍t-ê ta̍t-sêng "liân-sòa 5-tang sèng-tâu siang-ūi-sò͘" ê pún-thó͘ tâu-chhiú, 2010 nî liân-sòa 8-tang tit-tio̍h siang-ūi-sò͘ sèng-tâu, sī liân-bêng sú-siōng thâu-chi̍t-lâng.
• 2008 nî 4 goe̍h 24, tī Tōa-pi-ô͘ Iá-kiû-tiôⁿ tùi-chiàn La New Hîm, tit-tio̍h hāⁿ-kùi 19 liân-sèng, ta̍t-sêng kò-jîn chit-pāng seng-gâi 70-sèng.
• 2008 nî 6 goe̍h 18, tī Tâi-tiong Iá-kiû-tiôⁿ tùi-chiàn Hiaⁿ-tī Chhiōⁿ, sian-hoat 5-kio̍k sit 3-hun tit-tio̍h sèng-tâu, chū 2007 nî 3 goe̍h 31 í-lâi í-keng sī hāⁿ-kùi 21 liân-sèng, kah Hân-kok chit-pāng ê kì-lo̍k pêⁿ chē, mā chhiau-oa̍t Ji̍t-pún chit-pāng ê kì-lo̍k. Chit-ê kì-lo̍k kàu-taⁿ mā iu-goân sī Tiong-hôa Chit-pāng siōng chē ê kì-lo̍k.
• 2008 nî 7 goe̍h 10 hō, tī Tâi-lâm Iá-kiû-tiôⁿ tùi-chiàn Tiong-sìn Keng oân-tâu 9-kio̍k ta̍t-sêng bô an-táⁿ pí-sài, sī Tiong-hôa Chit-pāng sú-siōng tē-6-ūi oân-sêng ê tâu-chhiú; jî-chhiáⁿ in-ūi bô tâu-chhut jīm-hô sì-sí-kiû, só͘-í mā chiâⁿ-chò Tiong-hôa Chit-pāng sú-siōng thâu-chi̍t-ê tâu-chhut bô sì-sí-kiû bô an-táⁿ pí-sài ê tâu-chhiú (tān-sī Ko Kok-khèng thâu-chi̍t-kio̍k hoat-seng sit-ngō͘ hō͘ thûi-á-chhiú chiōⁿ-lúi, bô-iân chiâⁿ-chò Tiong-hôa Chit-pāng thâu-chi̍t-tiôⁿ oân-choân pí-sài).
• 2010 nî 10 goe̍h 3 hō, tī Tâi-lâm Iá-kiû-tiôⁿ tâu 7-kio̍k, sit 1-hun, lo̍h-bóe í 2:1 phah-pāi Hiaⁿ-tī Chhiōⁿ, tit-tio̍h tē-100-sèng, mā-sī liân-bêng sú-siōng siōng siàu-liân ê pah-sèng (百勝) tâu-chhiú.
• 2010 nî Tē-17-kài Chiu-chè-poe chhut-sài 2-tiôⁿ, lóng-chóng 10-kio̍k bô sit-hun tit-tio̍h hông-gū-lu̍t-ông, pēng-chhiáⁿ hőng soán chò choân-bêng-seng-tūi chòe-ka sian-hoat tâu-chhiú.
• 2013 nî 7 goe̍h 20, tī Tâi-lâm Iá-kiû-tiôⁿ tùi-chiàn Gī-tāi Sai-gû sian-hoat, tâu 6-kio̍k sit 3-hun tit-tio̍h sèng-tâu, sī chit-pāng seng-gâi tē-109-sèng, chhiau-kòe Ióng-chòng pó-chhî ê liân-bêng kì-lo̍k, chiâⁿ-chò Tiong-hôa Chit-pāng sú-siōng siōng chē sèng-tâu ê kiû-oân.
• 2015 nî 5 goe̍h 22 tī Sin-chng Iá-kiû-tiôⁿ tùi-chiàn Tiong-sìn Hiaⁿ-tī, chhiau-kòe Ióng-chòng seng-gâi tâu-kiû 1570-kio̍k ê liân-bêng kì-lo̍k, chiâⁿ-chò Tiong-hôa Chit-pāng sú-siōng tâu siōng chē kio̍k ê kiû-oân.
• 2016 nî 7 goe̍h 13－9 goe̍h 25, liân-sòa 40-kio̍k bô sì-sí-kiû, sī Tiong-hôa Chit-pāng ê sin kì-lo̍k.
• 2017 nî 5 goe̍h 11, tī Tâi-lâm Iá-kiû-tiôⁿ tùi-chiàn Tiong-sìn Hiaⁿ-tī, tē-3-kio̍k bīn-tùi thûi-á-chhiú So͘ Hūi-ta̍t tâu-chhut sa̋n-sín, sī seng-gâi tē-1000-pái sa̋n-sín, mā sī Tiong-hôa Chit-pāng pún-thó͘ tâu-chhiú thâu-chi̍t-lâng.
• 2019 nî 9 goe̍h 8 hō, tī Tâi-tiong Chiu-chè Iá-kiû-tiôⁿ tùi-chiàn Tiong-sìn Hiaⁿ-tī ê pí-sài tit-tio̍h tē-142-sèng, chèng-sek chiâⁿ-chò Tâi-oân chit-pāng sú-siōng siōng chē sèng-tâu ê soán-chhiú.
• 2019 nî 9 goe̍h 19, tī Thô-hn̂g Kok-chè Iá-kiû-tiôⁿ tùi-chiàn Lamigo Thô-oân, tē-1-kio̍k bīn-tùi thûi-á-chhiú Liāu Kiān-hù tâu-chhut sa̋n-sín, sī seng-gâi tē-1100-pái sa̋n-sín, mā sī Tiong-hôa Chit-pāng pún-thó͘ tâu-chhiú thâu chi̍t-lâng.
• 2022 nî 6 goe̍h 5 hō, tī Thian-bú Iá-kiû-tiôⁿ tùi-chiàn Bī-choân Liông, 6-kio̍k-hā teng-pán bīn-tùi thûi-á-chhiú Chan Tô-iông tâu-chhut tē-30000-kiû, sī Tiong-chit thâu-chi̍t-ê tâu-kiû-sò͘ ū 30000-kiû ê soán-chhiú.
• 2024 nî 4 goe̍h 20, tī Tâi-lâm Iá-kiû-tiôⁿ tùi-chiàn Hù-pang Hān-chiòng 2.2-kio̍k bô sit-hun tit-tio̍h sèng-tâu, kā siōng-chē sèng-tâu ê kì-lo̍k cheng-ka kàu 149-sèng, khó-sioh it-ti̍t kàu 9 goe̍h 29 ín-thè lóng bô-hoat-tō͘ tit-tio̍h tē-150-sèng.

Sêng-pāng Kok-chhiú Keng-le̍k

• 2001 nî Tē-9-kài Hô-lân Káng-kháu-poe
• 2002 nî Tē-21-kài Hô-lân Ha-liân-poe
• 2002 nî Hú-san A-ūn
• 2002 nî Tē-15-kài Chiu-chè-poe Iá-kiû-sài
• 2013 nî Tē-3-kài Sè-kài Iá-kiû Keng-tián-sài
• 2015 nî Tē-1-kài Sè-kài Iá-kiû 12-kiông Sài
• 2017 nî Tē-4-kài Sè-kài Iá-kiû Keng-tián-sài

Chit-pāng Seng-gâi Sêng-chek

Tiong-hôa Chit-pāng

• (Chho͘-o͘-jī sī hit-nî siōng-hó ia̍h siōng-koân ê sêng-chek)
• (Chho͘-âng-jī sī liân-bêng le̍k-sú lāi siōng-hó ia̍h siōng-koân ê sêng-chek)

Nî-tō͘	Kiû-tūi	Chhut-sài	Sian-hoat	Sèng-tâu	Pāi-tâu	Oân-tâu	Oân-hong	Kiù-oān	Tiong-kè	Sa̋n-sín	Sì-sí	Tâu-kiû kio̍k-sò͘	Chek-sit	Hông-gū-lu̍t
2003	Thóng-it Sai	28	26	13	8	1	1	0	－	104	42	166.1	45	2.44
2004		29	28	12	8	1	0	0	－	122	31	176.1	42	2.14
2005		34	24	12	8	2	1	0	1	130	41	171.0	53	2.79
2006		26	25	14	9	6	1	0	0	106	27	182.0	50	2.47
2007		21	21	16	2	0	0	0	0	79	24	123.1	31	2.26
2008		18	18	12	2	1	1	0	0	87	16	111.0	34	2.76
2009		22	22	10	8	0	0	0	0	81	23	133.2	49	3.30
2010		29	29	11	11	1	0	0	0	101	24	191.2	68	3.19
2011		12	12	5	1	0	0	0	0	39	17	74.1	30	3.63
2012		3	3	1	0	0	0	0	0	7	2	16.0	1	0.56
2013		20	20	6	9	3	0	0	0	36	18	105.1	64	5.47
2014		10	10	5	1	1	0	0	0	21	15	62.2	18	2.59
2015		25	25	7	9	0	0	0	0	60	34	153.1	81	4.75
2016		13	8	5	2	0	0	0	1	23	4	52.1	31	5.33
2017		17	17	6	3	0	0	0	0	56	25	93.0	41	3.97
2018		1	1	0	0	0	0	0	0	1	0	6.0	5	7.50
2019		23	23	8	7	1	0	0	0	52	23	120.0	68	5.10
2020		19	13	2	6	0	0	0	0	32	16	62.2	60	8.62
2021		22	0	1	1	0	0	0	3	12	8	31.0	20	5.81
2022		11	10	2	7	0	0	0	0	25	8	54.2	29	4.77
2023		4	1	0	1	0	0	0	0	5	2	9.2	11	10.24
2024		11	4	1	6	0	0	0	0	8	7	29	22	6.83
合計	22-nî	398	340	149	109	17	4	0	5	1187	407	2125.1	853	3.61

Chhù-sū

Phoaⁿ Ui-lûn kah koa-chhiú Tōa-ki seⁿ kah chok sêng, tû-liáu bat tī kiû-tūi kí-pān ê chháu-tē im-ga̍k-hōe lāi-té kah Tōa-ki chò-hóe piáu-ián í-gōa^[1], koh tī 2018 nî tī Tōa-ki ê im-ga̍k chok-phín Tâi-lâm / Tainan lāi-té chhah-hoe-á^[2].