Tân Pek-chheng

Tân Pek-chheng (1998 nî 10 goe̍h 25 ji̍t chhut-sì ) sī Tâi-oân ê iá-kiû soán-chhiú, siú-pī ūi-tì sī tâu-chhiú, bo̍k-chiân tī Tiong-hôa Chit-pāng Tâi-kǹg Hiông-eng hāu-le̍k, tī 2022 nî Tiong-hôa Chit-pāng Soán-siù-hōe lāi-té hō͘ Tâi-kǹg Hiông-eng í tē-8-lûn tē-12 chí-miâ kéng--ji̍p-khì^[1]. Chit-pāng it-kun chho͘-teng-pán sī 2024 nî 4 goe̍h 6 hō, tī Tōa-pi-ô͘ Iá-kiû-tiûⁿ tùi-chiàn Hù-pang Hān-chiòng ê pí-sài.

Tân Pek-chheng 陳柏清
Tâi-kǹg Hiông-eng – No. 66
Tâu-chhiú
Chhut-sì: 1998 nî 10 goe̍h 25 ji̍t （1998-10-25）(26 hòe)  Tiong-hôa Bîn-kok Lâm-tâu-koān Lo̍k-kok-hiong
Táⁿ-kek: tó Tâu-kiû: tó
Tiong-hôa Chit-pāng Chho͘-chhù chhut-sài
2024 nî 4 goe̍h 6 hō, tī Tâi-kǹg Hiông-eng
Tiong-hôa Chit-pāng sò͘-kì thóng-kè (chì 2024 nî ûi-chí)
Sèng-tâu — pāi-tâu	6–10
Tiong-kè — kiù-oān	0–0
Sa̋n-sín — sì-bái	47–50
Hông-gū-lu̍t	3.53
Tūi-ngó͘
An-éng Sian-bu̍t Iá-kiû-tūi (2021 nî－2022 nî) Tâi-kǹg Hiông-eng (2022 nî－)
Seng-gâi cheng-chhái piáu-hiān kah ti̍t-chióng
Tiong-hôa Chit-pāng Bêng-chheⁿ-sài: 2025

Tân Pek-chheng

Tit-kàu ê chióng
Tāi-piáu  Tiong-hôa Tâi-pak
Lâm-chú iá-kiû
Sè-kài Iá-kiû 12-kiông Sài
	2024 nî Tang-kiaⁿ	Thoân-tūi
A-chiu Chit-pāng Koan-kun Cheng-pà-sài
	2023 nî Tang-kiaⁿ	Thoân-tūi

Seng-gâi

Tân Pek-chheng siàu-liân ê sî sī Lâm-tâu-koān chāi-tē Hōng-hông Kok-sió Siàu-pāng-tūi ê kiû-oân, sui-jiân sī chiàⁿ-chhiú-á, m̄-kò tī kàu-liān ê kiàn-gī chi-hā kái liān tò-chhiú tâu-kiû, phah-kiû. Tī tha̍k Tiong-heng Tiong-ha̍k ê sî koh in-ūi chiap-siū kàu-liān ê chí-sī, choan-sim hiàng tâu-chhiú hoat-tián. Ko-tiong seng-gâi kiat-sok liáu-āu, tī ha̍k-tiúⁿ Chn̂g hō-úi (chit-má sī Bī-choân Liông ê soán-chhiú) ê thui-chiàn chi-hā, khì Lâm-hôa Tāi-ha̍k tha̍k-chheh^[2].

Tāi-ha̍k ê sî, Tân Pek-chheng bat in-ūi chhiú-āu-khiau kin-tòa tio̍h-siong su-iàu hioh chi̍t-tang tī-liâu. Pit-gia̍p liáu-āu, Tân Pek-chheng tī hit-tang-chūn Lâm-hôa Tāi-ha̍k kàu-liān Chhòa Tiōng-lâm ê thui-chiàn chi-hā chham-ka 2021 nî Tiong-hôa Chit-pāng Kùi-tiong Soán-siù-hōe, tān-sī chòe-āu lo̍h-soán^[3]. Āu--lâi Tân Pek-chheng cháu-khì gia̍p-î kiû-tūi An-éng Sian-bu̍t seng phah chi̍t-tang ê pí-sài, 2022 nî koh chham-ka kùi-tiong soán-siù, hō͘ hit-tang tú chhòng-li̍p ê Tâi-kǹg Hiông-eng chí-miâ^[2].

2023 nî nî-té, Tân Pek-chheng chiâⁿ-chò Tâi-kǹg Hiông-eng ûi-it chham-ka A-chiu Chit-pāng Koan-kun Cheng-pà-sài ê kiû-oân, tāi-piáu Tiong-hôa Chit-pāng chhut-sài, chiūⁿ-tiûⁿ hun-pia̍t tùi Ji̍t-pún tâu 0.1-kio̍k bô sit-hun^[4], kùi-kun-sài tùi Ò-chiu tâu 2.1-kio̍k sit 2-hun^[5].

In-ūi tú chhòng-li̍p ê tūi-ngó͘ ài seng tī jī-kun chìn-hêng chi̍t-tang ê pí-sài, só͘-í Tân Pek-chheng ê it-kun chho͘-teng-pán sī tī 2024 nî ê 4 goe̍h 6 hō, m̄-koh piáu-hiān bô lí-sióng, tam-jīm sian-hoat tâu-chhiú chú-tâu 2.2-kio̍k tio̍h sit 7-hun lo̍h-tiûⁿ, Tiong-chit lāi-té sī chho͘-teng-pán ê tē-5-lâng^[6].

2024 nî nî-té, Tân Pek-chheng koh-chi̍t-pái chiâⁿ-chò Tâi-kǹg ê ûi-it tāi-piáu chham-ka Sè-kài Iá-kiû 12-kiông Sài, pēng-chhiáⁿ tī ī-sài sian-hoat tùi-chiàn Ji̍t-pún, koh-tī ho̍k-sài liân-sòa nn̄g-kang sian-hoat tùi-chiàn Bí-kok kah Ji̍t-pún^[7].

Chit-pāng Seng-gâi Sêng-chek

Nî-tō͘	Kiû-tūi	Chhut-sài	Sian-hoat	Sèng-tâu	Pāi-tâu	Tiong-kè	Kiù-oān	Oân-tâu	Oân-hong	Sì-sí	Sa̋n-sín	Chek-sit	Tâu-kiû kio̍k-sò͘	Chū-chek-hun-lu̍t	Hőng chiōⁿ-lúi-lu̍t
2024	Tâi-kǹg Hiông-eng	19	18	6	10	0	0	0	0	53	47	40	102.0	3.53	1.30
Ha̍p-kè	1-tang	19	18	6	10	0	0	0	0	53	47	40	102.0	3.53	1.30