丹尼爾·域卡夫
英國演員（1989年出生） From Wikipedia, the free encyclopedia
Remove ads
丹尼爾·域卡夫（Daniel Radcliffe，1989年7月23號—[1]）係英國男演員，佢喺12歲嗰陣憑住喺2001年嘅《哈利波特：神秘的魔法石》裡面做主角而出名，佢後嚟由2001年嘅《哈利波特：神秘的魔法石》去到2011年嘅《哈利波特：死神的聖物2》嘅《哈利波特系列電影》系列全部８套戲裡面都係由佢嚟做主角。
域卡夫喺2007年開始分支到舞台演出，主演咗西區劇院同埋百老匯劇場製作嘅戲劇《戀馬狂》。佢憑住喺2011年嘅音樂劇《如何在不真正的嘗試下取得商業成功》而返番去百老匯，仲攞到格林美獎嘅提名。佢喺百老匯嘅其他角色包括馬田·麥當奴嘅2014年戲劇《伊尼什曼島的瘸子》，同埋史提芬·桑咸嘅2023年戲劇《我哋一齊滾動》，後者令佢攞到東尼獎音樂劇最佳男主角，同埋另一個格林美獎嘅提名。佢亦都喺倫敦重演湯姆·史塔佩嘅2017年作品《哈姆雷特之男臣之死》同埋沙繆奧·碧結嘅2020年戲劇《終局之戰》裡面演出[4][5]。
域卡夫亦都擴大咗佢演出嘅電影角色而喺唔同嘅類型入面演出，例如係2012年嘅《黑衣凶靈》、2016年嘅超現實劇情片《救你命3000》同埋驚悚片《非常盜2》，仲有2022年嘅《失驚無神闖謎城》。佢亦都喺2013年嘅傳記片《愛殺達令》入面做艾倫·堅士堡，同埋喺2022年嘅音樂惡搞電影《怪人：阿爾·楊科維克的故事》。後者令佢攞到黃金時段艾美獎同埋１項英國電視學院獎。佢亦都喺2019—2023年嘅選集喜劇系列《奇蹟締造者》入面做過幾個角色。
域卡夫曾經為唔同嘅慈善機構做過貢獻出嚟，包括德梅爾扎臨終兒童關懷同埋特雷弗計劃，後者喺2011年因為佢喺LGBT青年方面嘅倡議而頒咗個英雄獎畀佢[6]。
Remove ads
早年生活
域卡夫曾經喺喺倫敦嘅３間男子私立學校接受過教育，分別係：喺倫敦車路士紅崖廣場嘅日校—紅崖學校[24]、喺倫敦車路士卡多甘廣場嘅蘇塞克斯府學院[1][25][26]，同埋倫敦市學校[1][27]。喺第１輯《哈利波特系列電影》上映咗之後搞到域基夫嘅校園生活走咗樣，由於有啲同學同佢變得敵對，雖然域卡夫話佢哋只係想「對扮演哈利波特嗰個細路取笑吓」而唔係出於妒忌，不過返學對佢嚟講係１件好難嘅事[28]。隨住域卡夫嘅演藝事業開始消耗佢嘅日程，佢返學嘅時間無得唔被壓縮，佢亦都承認自己並唔係個好學生，自己嘅學習表現亦都唔好，仲認為學校嘅學習一啲用處都冇，而且發現功課「真係好難」[25]，後來佢需要透過現場導師繼續佢嘅教育。域卡夫喺2006年參加嘅３個GCE Advanced Level裡面攞到A 級嘅成績，不過佢決定休息而冇升上大學[29][30]。佢嘅部分理由係佢已經知道咗自己想做演員同編劇，而且佢咁樣好難有正常嘅大學經歷[28]。
Remove ads
演藝事業
睇埋：丹尼爾·域卡夫嘅銀幕同舞台作品一覽同丹尼爾·域卡夫嘅獎項同提名一覽
1999-2001年：演藝出道作同埋事業初期
域卡夫喺佢５歲嗰陣第１次表達咗佢想演戲嘅慾望[31]。喺佢媽咪嘅１個選角代理朋友確保佢有得試鏡之後，域卡夫喺佢１０歲嗰陣喺BBC1改編自查理斯·狄更斯嘅1999年小說《塊肉餘生錄》嘅兩部分改編入面喺劇集出道[32]，以一個細路仔嚟做主角[33]。電影方面，域卡夫喺2001年嘅《驚爆危機》入面出道，呢套係１套根據尊·萊卡納嘅1996年間諜小說改編嘅美國電影，呢套戲攞到商業上適度嘅成功[34]。
2000年，製片人大衛·海曼喺劇場嗰陣識咗域卡夫同佢嗰個出名文學經理人老豆，海曼同佢哋做咗朋友[35][36]。海曼跟住就叫域卡夫去幫英國作家J·K·羅琳嘅熱賣小說《哈利波特：神秘的魔法石》嘅改編電影裡面嘅主角角色去試鏡[36][37]。羅琳一直喺度搵緊個唔出名嘅英國演員嚟扮演呢個角色，而嗰套戲嘅導演基斯·哥倫布諗返起佢喺睇到《塊肉餘生錄》嘅後生演員嘅片就諗：「呢個就係我想要嘅嘢，呢個就係哈利·波特[38]。」８個月之後，域卡夫喺經過幾次試鏡之後就被揀中去做呢個角色[39]。羅琳認可咗呢個選擇，佢話：「我唔覺得基斯·哥倫布可以搵到個更加好嘅哈利[40]。」域卡夫嘅阿爸阿媽原本推咗呢個提議，因為有人話畀佢哋知呢個提議會涉及喺洛杉磯拍６套戲[41]。華納兄弟反而向域卡夫提出咗１份喺英國拍攝兩套戲嘅合約[38]；域卡夫當時都唔肯定自己會唔會演多過兩套哈利波特系列嘅戲[42]。
《哈利波特：神秘的魔法石》喺2001年上映。域卡夫憑住主角嘅角色而攞到７位數字嘅人工，不過佢斷言話呢個費用對佢嚟講「唔係咁重要」[43]；而佢嘅阿爸阿媽揀咗幫佢將呢筆錢用嚟投資[38]。呢套戲好受歡迎，亦都攞到正面嘅評價，而影評人亦都留意到域卡夫[44]。《三藩市紀事報》嘅
域卡夫喺１年之後主演咗呢個系列嘅第２輯作品《哈利波特：消失的密室》。影評人對啲主演嘅表現好正面，不過對電影嘅整體上有兩極化嘅意見。2004年嘅《哈利波特：阿茲卡班的逃犯》係呢個系列嘅第３輯電影。域卡夫嘅演出受到《紐約時報》嘅影評人安東尼·奧利佛·史葛嘅批評，佢認為係同演嘅愛瑪·屈臣帶住佢去演[46]。2004年嘅《哈利波特：火盃的考驗》係當時最高票房第２位嘅哈利波特系列電影[47]，而域卡夫就特別指出幽默係嗰套戲創作成功嘅原因[48]。
當域卡夫、屈臣同埋佢哋嘅聯合主演魯拔·格連特猶豫緊係咪簽約去繼續佢哋嘅角色嗰陣，呢個系列嘅未來就受到質疑。不過域卡夫到咗2007年3月嗰陣已經簽約咗去拍最後嗰套哈利波特電影；佢嘅簽約終結咗幾個禮拜媒體因為域卡夫要喺舞台上面裸體演出而「估佢會因為參演《戀馬狂》而被推咗呢個角色」嘅新聞報導[49]。域卡夫後嚟喺2007年嘅《哈利波特：鳳凰會的密令》入面第５次重演哈利呢個角色。域卡夫話，導演大衛·葉斯同埋聯合主演嘅艾美黛·史道頓將《鳳凰會的密令》變成呢個系列入面「最好玩」嘅戲[50]。佢嘅演出令佢攞到幾個獎項嘅提名，仲攞到2008年英國國家電影獎嘅最佳男演員獎[51]。域卡夫、屈臣同埋格連特喺同年喺荷李活嘅中國戲院前面留低咗佢哋嘅手印、腳印同埋魔杖嘅印記[52]。嗰個系列嘅第６輯戲《哈利波特：混血王子的背叛》喺2009年7月上映。域卡夫喺2010年度MTV電影獎入圍「最佳男演員」同「全球超級巨星」[53]。
《哈利波特》嘅最後嗰輯小說《哈利波特：死神的聖物》因為財務同劇本嘅原因而分拆成兩套戲，用背對背嘅拍電影形式嚟拍攝[54][55]。呢個決定引起咗嗰個系列粉絲嘅批評，不過域卡夫就幫呢個分拆去辯護，話如果將最後嗰輯小說完完全全咁改編成單單一套戲係一件唔可能嘅嘢[56][57]。
兩套大結局嘅電影—《哈利波特：死神的聖物1》同埋《哈利波特：死神的聖物2》分別喺2010年11月同2011年7月上映。《死神的聖物１》嘅票房收入係$9.6億美金，而《死神的聖物２》喺全球票房超過13億美金；截至2019年5月，呢套戲係有史以來最高嘅特許經營同電影系列票房嘅第１１位嘅戲。《死神的聖物２》攞到好評，域卡夫嘅演出亦都係咁；《華盛頓郵報》嘅
域卡夫承認有啲人永遠都唔會將佢同哈利·波特呢個角色分開；不過，佢話佢「好自豪可以永遠同呢個電影系列聯繫埋一齊」[61]。雖然域卡夫對呢啲戲有正面嘅感受，不過佢對於拍多啲《哈利波特》題材嘅戲就冇乜興趣。喺羅琳暗示要寫第８輯小說之後，域卡夫被問到會唔會再拍另一套《哈利波特》嘅戲，佢就答：「（呢個係）好有疑問。我覺得花咗１０年喺同一個角色係一段好長嘅時間[62]。」雖然為呢個系列投入咗咁多時間，域卡夫堅持話佢自己冇好似其他細路仔演員咁錯過咗童年，佢話：「透過做波特，我對生活有更加好嘅睇法[63]。」
2002-2008年：西區劇院同埋百老匯劇院首演
2002年，域卡夫喺同佢一齊喺第２輯《哈利波特》裡面演出嘅簡尼夫·班納做導演嘅西區劇院作品《我寫嘅戲劇》入面做名人嘉賓，嗰次係佢嘅舞台首演[33][64]。跟住佢演出咗電影《12月男孩》，呢套戲係講關於４個孤兒嘅澳洲家庭劇，呢套戲喺2005年拍，仲喺2007年9月中上映[65]。2006年4月13號，１幅由斯圖爾特·皮爾遜·萊特嘅域卡夫肖像喺英國皇家國家劇院開幕嘅新展覽嘅一部分揭幕，之後就移到去倫敦國家肖像館[66]。
2007年，域卡夫同嘉莉·慕萊根合演咗１套喺ITV電視網播映嘅劇情片《戰地淚痕》。呢套戲得到嘅評價大多數都係正面[67]，有幾位影評人都讚域卡夫做一個１８歲嘅男仔，佢喺戰鬥入面失蹤嘅表現[68][69][70]。域卡夫話：「對於好多好似我咁嘅年紀嘅人嚟講，第一次世界大戰只係喺歷史書入面嘅一個主題，但係我一直對呢個主題好著迷，同埋我覺得今時今日呢樣嘢同以前一樣咁重要[71]。」域卡夫喺嗰年嘅後期喺地下時裝雜誌《Rubbish》裡面用咗筆名「
域卡夫喺１７歲嗰陣為咗證明自己已經對成年人角色做好準備[72]，佢喺吉爾古德劇院演出咗一齣西區劇院重演咗彼得·謝弗嘅戲劇《戀馬狂》，呢齣戲劇自1973年首演以嚟就冇再重演過[38]。域卡夫擔正做主角
2010-2018年：回歸百老匯同埋獨立電影
域卡夫喺2010年尾喺《阿森一族》裡面嘅１集—《恐怖樹屋XXI》入面幫咗個角色配音之後[80]，佢喺2011年百老匯重演嘅音樂劇《成功之路》裡面以
域卡夫嘅後哈利波特時期第１個工作係2012年嘅恐怖電影《黑衣凶靈》，呢套戲改編自蘇珊·希爾嘅1983年嘅同名小說。呢套戲喺2012年2月3號喺美國同加拿大上映，而英國就喺2月10號上映。域卡夫飾演一個被派去幫一個啱啱死咗嘅神秘女人嚟處理法律事務嘅男仔。佢喺無幾耐之後就開始經歷一個着住件黑色衫嘅女鬼所帶嚟嘅奇怪事件[91]。域卡夫話對佢自己可以成為呢套電影嘅一部分覺得「非常興奮」，仲形容劇本「寫得好靚」[92]。
![Thumb](#/media/File:Daniel_Radcliffe_"Kill_Your_Darlings"_Columbia_University_-_6902796746.jpg)
2013年，域卡夫喺約翰·克洛基達斯執導嘅驚慄劇情片《愛殺達令》裡面做美國墮落詩人艾倫·堅士堡[93][94]。同年，佢亦都主演咗１套由
域卡夫喺根據
域卡夫同麥克·雷法路、謝西·艾辛堡同埋活地·夏里遜喺2016年嘅動作冒險片《非常盜2》裡面演出[105]，佢做一個科技神童、企業家、犯罪主腦同埋做最主要嘅對手（米高·堅）個仔，佢同時亦都對魔術覺得反感[106]。2016年，域卡夫喺獨立電影《救你命3000》入面同保羅·戴路合作去飾演一個識講嘢嘅死屍
域卡夫喺外百老匯嘅公共劇院演出咗一齣叫做《私隱》嘅文獻劇，佢喺裡面做一個作家[110]。2017年，域卡夫喺驚悚片《逃出亞馬遜》裡面做約西·金斯伯格嘅角色，呢套戲係根據約西·金斯伯格嘅同名國際暢銷回憶錄改編而成[111]。2018年，域卡夫喺
2019年到而家：事業擴展
2019年，域卡夫喺TBS嘅喜劇限定劇《奇蹟締造者》入面做
域卡夫喺2022年頭重返舞台，佢同莊尼芬·格羅夫同埋蓮茜·曼德斯一齊喺紐約劇院工作坊復興史提芬·桑咸嘅音樂劇《友情歲月》裡面演出，佢喺呢套戲劇入面做嘅角色係
Remove ads
其他事業
慈善
域卡夫曾經向唔同嘅慈善機構提供支持。佢幫過Habitat嘅VIP兒童系列設計咗Cu-Bed（１個由８細啲嘅立方體組成嘅立方體，可以用嚟整成床、長枱或者係凳）[130]，而所有賣出呢啲床嘅版權費都會直接捐畀佢想畀嘅慈善機構—喺根德郡錫廷伯恩嘅
政治同埋社會觀點
域卡夫係英國工黨嘅支持者[136]，佢之前支持過英國自由民主黨[137]，亦喺2010年大選入面支持當時嘅自由民主黨領袖紀理歷。不過佢喺2012年將自己嘅政治立場轉投工黨，引用咗自己對紀理歷表現表現同埋自由民主黨執政嗰陣，仲有批准咗當時嘅工黨領袖文立彬嘅失望[136]。佢喺2015年支持咗郝爾彬嘅工黨領導競選活動。佢同《大誌雜誌》講：「我覺得呢個由一個喺自己身邊夠耐，堅持自己信念夠耐，呢個識得佢哋嘅男人所展現出嚟唔使寫劇本嘅真誠表現先至係令人興奮到由坐低到起身嗰種嘅原因。真係好正[138][139]。
域卡夫亦支持廢除君主制同埋英國共和主義[140]，佢亦都支持英國工會主義，亦由於佢「個人鍾意英國本身咁樣」而反對2014年蘇格蘭獨立公投[141]。
域卡夫對LGBT社群好支持。佢為恐同發聲，佢喺2009年開始幫特雷弗計劃去拍公共服務公告嚟促進對預防同性戀青少年自殺嘅認識[142][143]。佢喺2008年演出百老匯嘅《戀馬狂》嗰陣時先知道有呢個組織[143]仲為呢個組織作出咗財政貢獻[144]。佢喺2010年嘅一個訪問入面話：「我一直都好憎任何唔包容男同性戀者、女同性戀者或者雙性戀者嘅人。我而家喺一個好幸運嘅位置，我可以喺嗰度真係幫吓手或者係做啲嘢。」佢喺同一個訪問入面強調咗公眾人物提倡平等權利嘅重要性[143]。佢喺2011年憑住佢嘅貢獻而攞到特雷弗計劃嘅英雄獎[142][145]。2020年6月，喺《哈利波特》嘅作者J·K·羅琳對性別認同嘅言論引起爭議嘅情況下—好多人譴責呢啲言論係恐同—域卡夫寫咗篇由特雷弗計劃出版嘅文章，佢喺呢篇文入面表達咗佢對跨性別社群嘅支持，亦對於羅琳嘅言論污染咗粉絲對《哈利波特》小說嘅體驗表示遺憾[146][147]。
個人生活
家庭同關係
域卡夫將佢自己嘅時間分配喺倫敦富林區[148]同埋紐約市曼克頓區西村嘅屋企之間[149]。域卡夫由2012年開始就同美國女演員愛琳·達克拍拖，佢哋倆個喺《愛殺達令》嘅拍攝現場嗰度識嘅[150]。佢哋倆個有個仔，喺2023年4月出世[151]。域卡夫形容自己做咗阿爸係「（對我嚟講）發生過最好嘅事」[152]。
域卡夫同佢嘅屋企人好親密，佢歸功於佢哋令佢自己保持穩定嘅原因[153]。佢話自己阿爸阿媽結咗婚３０年，佢哋喺佢自己同達克嘅關係入面啟發咗佢[154]。
2010年8月，域卡夫喺發現自己太過依賴酒精之後就開始咗戒酒[155]。佢喺2020年3月喺BBC廣播４台嘅《沙漠島碟》做嘉賓，佢喺嗰度傾過佢喺十幾歲嗰陣濫用酒精嘅問題，同埋佢戒酒嘅決定，仲有佢阿爸阿媽點樣為咗佢應付名氣而支持同留喺佢英國嘅故鄉[156][157]。
財富
域卡夫據報喺第１套《哈利波特》電影入面賺咗£１００萬英鎊[43]，第６部大約£１,５００萬英鎊[25]，同埋最後兩套戲加埋大約係£３,９００萬英鎊[158][159]。總括嚟講，佢估計喺成個特許經營權入面總共賺咗£７,５４０萬英鎊[160][161]。佢喺2006年出現喺《星期日泰晤士報富豪榜》，估計佢嘅個人財富有£１,４００萬英鎊，令佢做咗英國其中１個最有錢嘅後生仔[162]。
2009年3月，域卡夫喺《福布斯》嘅「
健康
域卡夫喺2008年透露自己患咗一種輕度嘅神經疾病運動障礙—發展協調障礙，呢種障礙有時會令佢唔能夠做到例如寫字或者綁鞋帶呢啲簡單嘅活動。佢話：「我因為乜都廢同冇乜天份，所以喺學校嗰陣好辛苦[168]。」
喺2013年嘅戲《角》嘅拍攝現場，域卡夫唔小心咁飲咗防凍劑而搞到佢持續咗「令人作嘔仲發燒咗３日」而「病得好慘」[169]。
宗教同政治信仰
域卡夫喺2009年話自己係個無神論者，仲話：「我對於呢樣嘢（做個無神論者）覺得好放鬆，我唔係傳我嘅無神論，不過我對好似道金斯咁嘅人有好大嘅尊重。佢喺電視上面做嘅任何嘢我都會睇[170][171]。」域卡夫喺同年又再講，雖然佢認為自己係個「猛烈嘅愛國主義者」，佢唔係保皇黨，仲補充話英國君主制度「象徵咗好多國家嘅問題」[172]。
域卡夫喺2012年就住佢嘅信仰話：「屋企裡面從來都冇（宗教）信仰」。明明我係英國人，不過我覺得自己係猶太人同愛爾蘭人[22]。」域卡夫話佢屋企係「聖誕樹猶太人[173][174]」，佢話：「我係個無神論者，但係我好自豪自己係個猶太人。咁就代表我有好好嘅工作道德，而你可以有猶太人嘅幽默，你亦都被准去講猶太人嘅笑話[2][175]。」佢喺同年又話：「我係個無神論者，當宗教開始影響立法嗰陣時，我就係一個好戰嘅無神論者[176]。」
興趣
域卡夫表達咗佢對Hip hop嘅熱愛，仲承認自己「對背誦複雜、抒情複雜同快歌有一種痴迷」。佢喺2014年10月28號嘅《占美·法隆今晚騷》裡面幫Blackalicious嘅歌《Alphabet Aerobics》押韻[178][179]。
域卡夫最鍾意嘅戲包括有《十二怒漢》、《平步青雲》、《密碼114》、《陽光小小姐》同埋《聖戰神兵》[180]。域卡夫話佢最鍾意嘅小說係鮑加可夫嘅《大師與瑪格麗特》，而佢最鍾意嘅《哈利波特》系列小說係《哈利波特：死神的聖物》[181]。佢亦都係一個熱愛乒乓波嘅玩家[169]。
Remove ads
作品
睇埋：域卡夫作品一覽
電影
電視
舞台
MV
其他
Remove ads
獎項同埋提名
内文：域卡夫嘅獎項同埋提名
Remove ads
註釋
- 呢個係指佢哋演出過嘅戲攞到幾多錢，而唔係佢哋嘅個人收入。
- 全體演員一齊攞到
- 同
約翰·拉洛奎特 一齊攞到 - 同
約翰·拉洛奎特 、羅拔·舍爾 同埋法蘭克·洛瑟一齊攞到
Remove ads
註
Wikiwand - on
Seamless Wikipedia browsing. On steroids.
Remove ads