詮釋

詮釋（粵拼：cyun4 sik1；英文：interpretation）係邏輯同語言學上成日提到嘅概念，指對形式語言嘅符號（想像數學同邏輯學用到嗰啲符號）賦與意義。而如果話（例如）某個數學模型係可詮釋嘅，即係話個模型畀出嚟嘅結果，可以透過言語等嘅媒介畀啲意思佢。

重要之處

睇埋：黑盒同解釋得嘅 AI

可詮釋度指嘅係，某個系統、模型或者決策過程有幾容易理解。喺人工智能（AI）同機器學習入面，可解釋度通常講緊人類有冇可能知道個模型點解會作出某個預測或者決定。舉個例，如果醫療 AI 話某位病人可能有癌症，人類會想知道 AI 係根據乜嘢資料做判斷：係因為血液報告？定係某啲症狀？定係病歷記錄？

可詮釋度之所以重要有幾個原因^[1]。

1. 當系統出錯嘅時候，如果有可詮釋度，人類先可以追蹤錯誤源頭、改正問題。
2. 喺高風險領域（例如醫療、司法、金融），人類唔可以單靠「準確率高」嚟信任系統，仲要知佢判斷合唔合理、公唔公平。

睇埋

• 語言
• 語義學
• 統計學