哈利波特：消失的密室
From Wikipedia, the free encyclopedia
Remove ads
《哈利波特：消失的密室》（Harry Potter and the Chamber of Secrets）係英國小說作家J. K. 羅琳喺1998年7月2號發行嘅奇幻文學作品《哈利波特》系列第２輯小説。劇情講述哈利·波特喺霍格華茲嘅第２年校園生活，當時學校走廊嘅牆上面有一連串警告話「密室」又再被打開嘅訊息，而「史萊哲林嘅傳人」會殺死晒唔係嚟自巫師家庭嘅學生。呢啲威脅係喺學校發生幾單襲擊事件之後發現嘅，而呢啲襲擊事件搞到學校嘅所有學生都嚇得魂飛魄散。哈利同佢嘅兩個朋友榮恩同埋妙麗喺嗰年都喺度調查呢啲襲擊。
呢本書喺1998年7月2號由布鲁姆斯伯里出版社喺英國出版，之後喺1999年6月2號由學樂喺美國出版。中文版方面，簡體中文版喺2000年9月出版，而繁體中文版就喺同年12月22號出版。雖然羅琳話佢覺得好難去完成呢本書，同埋有啲評論家覺得呢個故事對年紀細啲嘅細路嚟講可能太得人驚，不過呢本書攞到評論家、書商界同後生讀者嘅高度讚賞同埋獎項。《哈利波特：消失的密室》同呢個系列嘅其他小說一樣引發咗唔同嘅宗教辯論；有啲宗教嘅權威人士譴責去用魔法主題，而其他人就讚呢本書強調自我犧牲，同埋某人嘅性格係由嗰個人嘅選擇嚟決定嘅。
有幾位評論家指出，個人身份係呢本書嘅一個強烈主題，而且仲透過對待非人類、非魔法同埋非生物嘅人探討咗種族主義嘅問題。有啲評論家認為故事裡面嘅日記係對讀者嘅警告，提醒讀者唔好冇批判性咁去接受嗰啲動機同可靠性都唔可以事實查證來源嘅資訊。制度權威被形容做自私同無能。
呢輯小說改編嘅戲喺2002年上映，成為咗（當時）有史以來最高票房第５位嘅電影，仲攞到普遍好評。根據《哈利波特：消失的密室》而鬆散咁改編嘅電子遊戲亦都喺幾個平台上面發行，而且大部分都攞到好評。
Remove ads
情節
１２歲嘅哈利·波特喺德思禮一家嗰度放暑假嗰陣，一個家庭小精靈多比去搵哈利。多比話哈利喺危險入面，一定要應承唔會返去霍格華茲。當哈利唔肯嗰陣，多比用魔法整爛咗佩妮姨媽整嘅布甸嚟搞破壞。威農姨丈相信呢個亂局係由哈利造成，所以就將佢鎖喺佢自己間房度。魔法部發出通知指控哈利施展未成年魔法，仲威脅話要將佢驅逐出霍格華茲。
衛斯理家族嘅兄弟榮恩仲有弗雷同埋喬治揸住佢哋老豆嗰架飛天車去到接哈利返去佢哋屋企。當哈利同衛斯理家幾兄妹去斜角巷去買開學用品嗰陣，佢哋喺嗰度遇到名人作家兼新任嘅黑魔法防禦術教授—吉德羅·洛哈。喺國王十字車站，哈利同榮恩因為入唔到去9¾月台去搭霍格華茲特快列車，所以佢哋就要坐嗰架魔法飛天車飛返去霍格華茲。
哈利喺學年嗰陣係咁聽到一把奇怪嘅聲喺城堡嘅牆嗰度發出嚟。雅各·飛鼠隻貓被發現石化咗，牆上面寫住個警告：「密室已經被打開，傳人嘅敵人，小心」。哈利知道咗密室應該收埋咗一隻攻擊麻瓜出身學生嘅怪物，而呢隻怪物淨係得史萊哲林嘅繼承人先至可以控制到。有個異常嘅搏格喺一場魁地奇比賽嗰陣打中咗哈利，打到佢斷咗隻手臂。洛哈教授試吓去修復呢個問題不過失敗咗，結果搞到哈利傷到要送去學校嘅醫院側翼。多比去探哈利，仲透露咗就係佢對搏格落咒同埋封鎖咗國王十字車站嘅入口。佢仲同哈利講，家庭小精靈一定係要服侍一個主人，除非佢哋嘅主人畀件衣物佢哋，咁就可以還佢哋自由。
喺怪物嘅另一次攻擊之後，啲學生就上咗個決鬥班。哈利喺上決鬥堂嗰陣騷咗佢難得嘅能力出嚟—即係講爬說語（蛇話）。一個喺學校２樓女生浴室入面出嚟嘅幽靈—愛哭鬼麥朵，佢向哈利同佢啲朋友騷咗一本留喺佢嗰度嘅日記簿。呢本日記簿原本係屬於一個叫做湯姆·瑞斗嘅學生，麥朵係個密室喺上次畀人打開嗰陣親眼睇住另一個學生死咗嘅學生。當嗰隻怪物下一次攻擊嗰陣，妙麗·格蘭傑就被石化咗。
哈利同榮恩發現嗰隻怪物係一隻蛇妖，嗰隻係一種可以用直接嘅眼神嚟殺死受害者嘅巨型蛇，呢種怪物仲可以用間接嘅眼神嚟將受害者石化。哈利意識到發出喺牆裡面聲嘅就係蛇妖。喺榮恩嘅細妹金妮被綁架同埋被帶咗入去密室之後，哈利同榮恩就喺愛哭鬼麥朵嗰個女生浴室裡面發現咗密室嘅入口。當佢哋兩個迫洛哈同佢哋一齊入去密室嗰陣，洛哈認咗佢講嘅所謂英雄冒險故事都係假嘅。佢仲試吓去抹走嗰兩個男仔嘅記憶，不過咒語反彈搞到佢抹走晒自己嘅記憶。
哈利喺密室裡面發現到昏迷咗嘅金妮。湯姆·瑞斗用投影嘅方式出現，仲透露咗佢自己就係佛地魔同埋史萊哲林傳人。喺解釋咗佢打開咗個密室之後，瑞斗就召喚蛇妖去將哈利殺死。喺呢個時候，鄧不利多嘅鳳凰佛客使嚟到，仲帶埋分類帽畀哈利。當佛客使整盲咗蛇妖嗰陣，哈利就喺分類帽入面將把葛萊分多寶劍掹出嚟。佢用把劍殺死咗條蛇妖，然後用蛇妖嘅毒牙拮落本日記度，摧毀咗日記同瑞斗嘅化身。後來，哈利呃多比嘅主人畀咗件衣物佢嚟解放咗多比。喺小說嘅最後，石化咗嘅學生醫返好晒，而葛萊分多學院贏到學院盃。
Remove ads
發行
發展
羅琳覺得唔容易去完成《哈利波特：消失的密室》呢本書，因為佢擔心呢輯小說達唔到《哈利波特：神秘的魔法石》所引發嘅期待。羅琳喺準時將份稿交畀布魯姆斯伯里之後，佢又攞返去修改咗６個禮拜[1]。喺呢本書嘅早期草稿入面，幽靈差啲無頭嘅尼克演唱咗一首自創嘅歌嚟解釋佢嘅狀況同埋佢自己都未知嘅死亡情況。由於呢本書嘅編輯唔關心呢首詩所以就剪走咗，而呢首詩跟住就喺羅琳嘅官方網站上面用附錄嘅形式發表[2]。丁·湯瑪斯嘅家庭背景亦都被刪除咗，因為羅琳同佢嘅出版商都認為呢個係「冇必要嘅題外話」，而佢認為奈威·隆巴頓對佢自己嘅探索之旅「對核心情節更加係重要」[3]。
吉德羅·洛哈嘅角色係受到羅琳嘅一個熟人嘅啟發，用佢嘅說話嚟講，羅琳「比佢嘅虛構對手更加令人反感」，而且佢「曾經講過好多關於佢以前生活嘅大話，所有呢啲嘢都係為咗展示佢係一個有幾咁精彩、勇敢同埋聰明嘅人[4]。」
出版
《哈利波特：消失的密室》喺1998年7月2號响英國出版，而美國就喺1999年6月2號出版[5][6]，呢本書一出就即刻喺英國暢銷書榜上排第１位，取代咗例如約翰·基斯咸、湯·格蘭斯[1]同埋泰利·普萊契[7]呢啲熱門嘅作家，亦都令到羅琳做咗第１個連續兩年攞到《英國圖書獎》年度兒童書嘅作家[8]。1999年6月，呢本書直接咁直上美國三大暢銷書榜嘅頭位[9]，包括咗《紐約時報》[10]。
呢本書嘅第１版喺印刷上有幾個錯誤，不過喺之後嘅重印嗰陣修正返[11]。最初，鄧不利多話佛地魔係薩拉札·史萊哲林最後一個剩低嘅祖先，而唔係佢嘅後代[11]。吉德羅·洛哈嘅一本關於狼人嘅書，標題係《
批判性回應
喺出版咗嗰個系列７輯小說之後，
獎項同榮譽
羅琳嘅《哈利波特：消失的密室》係幾個獎項嘅得主[20]。美國圖書館協會將呢本小說列入去佢嘅2,000本出名童書之一[21]，同埋佢嘅最佳青少年書籍之一[22]。書單喺1999年將《哈利波特：消失的密室》評做佢哋嘅
《哈利波特：消失的密室》喺1998年雀巢聰明豆圖書獎嘅９-１１歲組別入面攞到金獎[25]。羅琳亦都憑住《神秘的魔法石》同埋《阿茲卡班的逃犯》攞到另外兩個雀巢聰明豆圖書獎。蘇格蘭藝術委員會喺1999年向呢本小說頒發咗佢哋嘅第１個兒童圖書獎[26]，亦喺2001年攞到
Remove ads
主題
《哈利波特：消失的密室》繼續去檢討由第１輯開始講嘅究竟係乜嘢令到一個人做咗佢自己。除咗維持哈利嘅身份係由佢嘅決定而唔係佢出世嘅任何方面所塑造之外[16][29]，《消失的密室》亦都提供咗對比嘅角色，佢哋試吓去隱藏自己嘅真實性格：就正如
呢個系列有不斷嘅主題，分別係：反對階級、死亡同埋佢嘅影響、經歷青春期、犧牲、愛情、友誼、忠誠、偏見同埋種族主義。哈利喺《消失的密室》裡面對其他人嘅體諒同尊重延伸去到低下層嘅非人類多比同埋幾乎冇頭嘅尼克[31]。根據
馬凱特大學嘅副教授
意大利法證語言學家同文學家
小說重要嘅主題係唔道德同埋將權威形容成負面，
呢輯小說暗示佢由1992年開始：幾乎冇頭嘅尼克嘅５００周年死亡派對嘅蛋糕上面寫住：「尼古拉斯·德·明西-波平頓爵士喺1492年10月31號死亡」呢啲字[38][39]。
連結去到《混血王子的背叛》
《哈利波特：消失的密室》同嗰個系列嘅第６輯小說《哈利波特：混血王子的背叛》好有關連。事實上，《混血王子的背叛》係《消失的密室》嘅暫名，而羅琳話佢原本諗住喺第２輯小說入面呈現啲「重要嘅資料」，但最終都覺得「呢個資料正確嘅家園係第６輯小說」[40]。有啲首先出現喺《消失的密室》嘅物件喺《混血王子的背叛》入面扮演住重要嘅角色，例如：喺波金與伯克氏商店有得賣嘅「光榮之手」同埋蛋白石頸鍊；喺霍格華茲裡面畀喧鬧鬼皮皮鬼搞壞咗嘅消失櫥櫃；仲有後來被揭露係佛地魔分靈體嘅湯姆·瑞斗嘅日記[41]。另外，呢兩輯小說係最著重喺哈利埋金妮·衛斯理嘅關係。
改編
電影
《哈利波特：消失的密室》嘅電影版喺2002年發行[42]，呢套戲嘅導演係基斯·哥倫布[43]，而編劇就係史提夫·高富斯。呢套戲成為咗國際票房超過６億美金嘅第３齣電影，超越咗2001年上映同系列嘅《神秘的魔法石》，同埋1997年上映嘅《鐵達尼號》[44]。呢套電影入圍咗《土星獎》嘅最佳奇幻電影[44][45]。根據Metacritic嘅數據，《消失的密室》嘅電影版攞到「普遍好評」嘅平均分係63%[46]，而另一個評論匯總網站—爛番茄就畀咗佢82%呢個分數[43]。
電子遊戲
内文：哈利波特：消失的密室 (遊戲)
藝電喺2002-2003年期間發佈咗５款由唔同開發商大致上係根據呢本書嘅獨特電子遊戲：
Remove ads
睇埋
Wikiwand - on
Seamless Wikipedia browsing. On steroids.
Remove ads