普通話

普通話（pou2 tung1 waa2）（普通話拼音：pǔ tōng huà），畀定义為「以北京語音為標準音，以北方嘢為基礎方言，以典範嘅現代白話文著作為文法規範嘅現代漢民族共同語」^[5][6]，係中華人民共和國法定嘅「國家通用語言」^[7]。「普通話」嘅「普通」二字係「普遍、共通」嘅意思^[8]。

普通話
用嘅國家、地區	中華人民共和國
區域
講嘅人口	8.48億 (含第二語言使用者)[1]
系屬	漢藏語系 ・漢語族 　・官話 　　・普通話
官方地位
官方語言	冇[2][3][4]
管理機構	國家語言文字工作委員會
語言代碼
ISO 639-1	-
ISO 639-3	-
ISO 639-6 (經已唔用)	cosc
睇 傾 改

1923年，中華民國教育部國語統一意籌備會第五次會議，決定基於現代中國北方國語嘅白話文文法同北京話語音，制定標準化嘅中文，稱為中華民國國語^[9]。1932年，經中華民國教育部頒佈《國音常用字彙》之後，畀採納為中國嘅官方語言。作為聯合國嘅六種官方工作語言之一，成為國際人士學習中文嘅主要參照。

中華人民共和國成立後，為兼顧語言使用嘅實際需要，1955年全國文字改革會議上將「國語」呢一稱呼廢除，並改稱為「普通話」^[8][10]。2000年10月31日通過嘅《中華人民共和國國家通用語言文字法》，將普通話規定為國家通用語言^[7][11]。

當前「國語」一詞於中國大陸雖遍應用於民間同影視娛樂行業用嚟代指普通話^[12]，但中國並冇規定任何官方語言，且強調普通話為「國家通用語言」而唔係「國語」^[3][4]，同埋近年嚟亦招致不少網民同學者嘅批評，認為將普通話稱為「國語」係對漢族及少數民族嘅歧視及不尊重^[13][14]。