柬埔寨
From Wikipedia, the free encyclopedia
Remove ads
地圖
柬埔寨（高棉話：
），全名柬埔寨王國，以前叫高棉，係東南亞中南半島一國，首都係金邊，陸地面積大約177,000平方公里，人口超過1400萬，鄰國有泰國、老撾同埋越南。
柬埔寨國王係西哈莫尼（2004年10月開始在位），總理係洪馬內（2023年8月開始在位）。人口以高棉族最多，第二係越南人，第三係華人。
Remove ads
簡史
1世紀至6世紀，柬埔寨係扶南一部分。去到6世紀至9世紀，柬埔寨係真臘一部分。
9世紀到15世紀，高棉族建立咗吳哥王朝，勢力範圍遍及大部份東南亞地區。最後因為畀當時嘅泰國同越南圍攻，慢慢沉寂落嚟。輾轉到咗19世紀，柬埔寨變咗法國嘅殖民地；到第二次世界大戰爆發，柬埔寨落入日本手上成年幾。戰後嘅1953年11月，柬埔寨宣佈獨立，但由1970年代開始，柬埔寨墮入柬埔寨內戰、赤柬極權統治、越南入侵等等困局，到1990年代中後期先至開始恢復元氣。
2017年，柬埔寨救國黨被當地政府取締，由於柬埔寨救國黨係唯一能夠挑戰柬埔寨人民黨執政地位嘅反對黨，因為呢個黨被解散，意味住柬埔寨進入「一黨專政」時期。
經濟
由2001年到2004年，柬埔寨藉由成衣業同埋旅遊業嘅強勁帶動，平均經濟發展率達到6.4%。2007年，經濟發展率更加係超過9%。不過，人口平均年齡比較細、教育水平比較低、無乜生產力，都係呢個國家未來經濟發展嘅隱憂。
文化
柬埔寨擁有特別嘅高棉文化，較接近泰國文化，帶有濃厚嘅上座部佛教文化氛圍。
人口
柬埔寨人口超過1550萬人，其中90%左右係高棉族，其他民族包括華人、京族、佬族、泰族、占族等，當中有一小部分屬於深居山地嘅原住民部落。
語言
大多數柬埔寨國民用高棉語同高棉文字。高棉語亦有自己嘅高棉數字，喺柬埔寨高棉數字比阿拉伯數字更流通。
老一輩華人主要使用潮州話等漢語方言；占族人主要用占語，越南人就以越南話為主，其他民族有唔同嘅語言。
即使柬埔寨曾經係法國嘅殖民地，法文曾經係繼高棉語之後第二大語言，但係依家唔普遍，得少數人仲識法文。呢幾年多咗好多人，特別係做旅遊有關行業嘅人學普通話同英文。
交通
 | 呢節要加長。 |
柬埔寨由於多年嚟受到戰爭影響，所以交通並唔完善，踏入21世紀左右先逐漸有改善，道路建設主要集中喺首都一帶。
國民主要以三輪單車同電單車代步，有錢人多數以進口車代步。另外有長短程巴士喺各個大少城鎮穿梭。
公路
機場
柬埔寨主要有3個國際機場，分別係首都金邊嘅金邊國際機場、出名景點吳哥窟附近暹粒－吳哥國際機場同西哈努克特别市西哈努克國際機場。
宗教
飲食
柬埔寨擁有特別嘅高棉菜，多數用胡椒、魚露、香料、辣椒等食材烹調，口味同泰國菜接近。由於受到法國殖民統治，所以菜肴亦混入咗法國元素。另外，亦受中國同越南等地口味影響。
旅遊
各地有唔同特色，柬埔寨北部暹粒市有世界遺產吳哥窟；中部金邊有大量佛教寺廟，西部有東南亞最大淡水湖洞里薩湖；南部西哈努克市可以享受陽光與海灘。
柬埔寨有3處被列入聯合國國家文化遺產：
- 吳哥古蹟
- 柏威夏寺
- 三波布雷科
Remove ads
攷
出面網頁
Wikiwand - on
Seamless Wikipedia browsing. On steroids.
Remove ads