歸融話
From Wikipedia, the free encyclopedia
Remove ads
歸融話係自然語言，係集合多種語言融匯而成。佢同洋涇浜話唔同：洋涇浜話係未成熟嘅話，因為洋涇浜話無穩定嘅語法，辭彙亦比較貧乏，所以表達能力有限；而歸融話就同其他語言一樣，有穩定、成熟嘅語法，亦有豐富嘅辭彙，同埋自己嘅聲韻系統，表達能力同自然語言無分別。
名
歸融話係由法文créole（國際音標：[kʀeɔl]）音義俱譯出來，當中「歸融」嘅粵音取其諧音，「歸」有歸納、本土化嘅意思，「融」就指融匯、融合；意指歸融話係由多種話融匯一齊，經過融合、歸化之後而成嘅語言。
而法文créole呢個詞，大概係16、17世紀嘅時候所創嘅。當時歐洲國家擴張海事勢力同遠洋貿易，響海外建立咗好多殖民地，產生咗好多歸融話。呢個法文詞嘅詞源，可以追溯返去拉丁話嘅creare，意思係「創造」[1][2]。
形成
睇埋：洋涇浜
歸融話由幾種源語言融合而成，呢啲源語言可以分為主源語同次源語。通常，歸融話嘅辭彙主要來自主源語，而語法就以次源語為基礎（見Relexification）。呢啲話就係以咁嘅方式融合起來，初期章法會幾亂，既唔穩定又唔成熟，響呢個階段，只係洋涇浜話。
一旦講某一種洋涇浜話嘅人開始聚居，建立起社群，佢地嘅下一代就會以呢種話做母語。呢啲以洋涇浜話做母語嘅人同埋社群，自自然然會令呢種話發展得更成熟、更豐富、更完善，以切合佢哋嘅需要。於是乎，呢種話就會變得穩定，有自己嘅聲韻系統，有自己一套語法規則，同埋豐富嘅辭彙，咁就成為一種歸融話。
由於歐洲人喺過去500年響海外開拓咗好多殖民地，產生咗好多歸融話，所以多數歸融話嘅主源語都係歐洲嘅話，尤其是葡萄牙話、法文、英文同荷蘭話。但係同樣係響殖民地誕生嘅Sängö話（響中非共和國流通）[3]，就無歐洲話嘅成分。響厄瓜多爾講嘅Kichwa，主源語係南面嘅Quechua。響烏干達同肯雅講嘅عربية نوبية，就以阿拉伯話蘇丹方言為基礎。
Remove ads
例
其實多數歸融話已經失傳，亦未必有記錄。下面列出主要嘅歸融話，按主源語分組。
英文
内文：英文歸融話
由英文衍生出來嘅歸融話，有：Jamaican Patois、Hawaiian Pidgin、Tok Pisin、Bislama、星式英文……數目繁多。
法文
内文：法文歸融話
由法文衍生出來嘅歸融話有好多，例如：Ayisyen、Guadeloupéen、Réunionnais、Tayo……
西班牙話
此外，Annobonense、Naija、Papiamentu、Pichi呢幾隻歸融話，都深受西班牙話影響。
葡萄牙話
内文：葡萄牙話歸融話
由葡萄牙話衍生出來嘅歸融話，數目繁多，包括：Kriolu、Forro、dos velhos、Papiá kristáng、澳門土話、Papiamentu……
荷蘭話
德文
恩巴恩迪話
阿拉伯話
馬拉話
内文：馬拉話歸融話
由馬拉話衍生出來嘅歸融話都唔少，有：Betawi、Manado、Kedah、Sarawak、Sri Lankan Malay……詳見：馬拉話歸融話
普通話
外面網頁
參考
Wikiwand - on
Seamless Wikipedia browsing. On steroids.
Remove ads