水墨畫

From Wikipedia, the free encyclopedia

水墨畫
Remove ads

水墨畫（粵音：seoi2 mak6 waa2）係指用墨汁畫出嚟嘅畫。墨汁係將墨放喺墨硯嗰度用水研磨形成嘅。水墨畫係狹義上嘅中國畫，亦可以話係傳統東亞畫藝嘅一個代表：喺唐朝嗰時經已存在，打後喺宋朝時期進入全盛，並且傳到去全東亞嘅各個地區－包括日本同朝鮮半島[1][2]。就算到咗廿一世紀，水墨畫仲有人喺度畫，例如香港都有本地畫家專門畫水墨畫[3]。

Thumb
八大山人《荷花小鳥圖》

嗌法

六法技巧

繪畫六法由５世紀嘅畫家同藝術理論家謝赫所著，並記錄喺佢嘅著作《古畫品錄》嘅序論中，當中提及嘅六法為：

  • 氣韻生動是也，一種講法指其意為傳神，此外亦有指表達畫家人品或使用畫筆同墨水嘅技術要精湛嘅講法[4]。
  • 骨法用筆是也，即用畫筆嘅技巧喺表現鉤線點戳時要有「骨力」[5]，呢個同當時書法同繪畫密不可分嘅關係有關。
  • 應物象形是也，即感受物體嘅結構再描畫出物體嘅形態[6]。
  • 隨類賦彩是也，即因應物體嘅本身色彩而喺作品中加上適當嘅色調同表現出層次感[7]。
  • 經營位置是也，即對作品構圖、深度嘅思考[8]。
  • 傳移模寫是也，即對自己嘅草稿作增加刪除之後再畫一次先可以完成作品，此外亦有對古人作品作出模仿摹製作為學習嘅意思[9]。

背後思想

睇埋：寫實主義

水墨畫背後展現咗道家同佛家嘅思想[1][2]：一般嚟講，水墨畫並唔追求完美噉捕捉事物嘅外表－呢點同中世紀以及文藝復興時期歐洲嘅畫藝大相逕庭，反而係想要捕捉事物嘅「靈魂」；一位水墨畫家畫一隻馬嗰陣，佢要做嘅嘢係理解隻馬嘅脾性，並且畫出一幅令人感受到呢樣嘢嘅圖像，而唔係要盡可能準確噉畫出隻馬嘅骨同肌肉；而畫一朵花嗰陣，水墨畫家唔使完美噉配合朵花嘅花瓣數量或者顏色，而係要用畫嘅線條等嘅特性畫出朵花嘅「香」。

出名作品

睇埋

引述

Loading related searches...

Wikiwand - on

Seamless Wikipedia browsing. On steroids.

Remove ads
Remove ads