財經 體育 資訊台

  提示：呢篇文講嘅唔係有線財經資訊台或Now財經台。

  呢篇嘢講嘅係2017年8月到2024年4月嘅香港數碼電視第85頻道。

• 想揾2007年12月到2016年2月嘅同一頻道嘅話，請睇「高清翡翠台」。
• 想揾2016年2月到2017年8月嘅同一頻道嘅話，請睇「無綫電視J5台」。

財經 體育 資訊台，官方網站同EPG叫無綫財經體育資訊台，係香港無綫電視其中一條高清數碼電視頻道，頻道冧巴85，喺2017年8月15號正式啟播，取代原先嘅無綫電視J5台。由啟播到2018年1月20號之前，台名係無綫財經台；由2018年1月20號到2022年9月5號之前，台名係無綫財經·資訊台。根據電視廣播有限公司嘅業務簡介，呢個頻道以「香港唯一24小時免費財經資訊頻道」為號召。而喺非交易時段亦會播放自製或外購嘅專題節目，內容涵蓋投資樓市、升學、職場、醫療、藝術、科技等資訊，亦會現場直播體育賽事。2024年4月22號，無線財經體育資訊台因為TVB頻道調整而停播。該頻道原本所播出嘅香港免費電視85頻道都由同日起改播鳳凰衛視香港台；而海外地區就以另一個頻道TVB生活台取代，響2024年5月13號啟播。

無綫財經 體育 資訊台 TVB Finance, Sports & Information Channel
國家／地區	香港
邊位屬下	電視廣播有限公司
啟播	2017年8月15號早上6時
停播	2024年4月22號早上6時
視頻格式	數碼（DTMB）：1080i 16:9（高清） MyTV SUPER：1080i16:9（高清）
用乜話	粵語、普通話（小部分和雙語廣播節目）、英文、日文、韓文、法文、波蘭文、泰文、荷蘭文、西班牙文（只限雙語廣播節目）
口號	得資訊，得天下（2022年） 全新陣勢，資訊猛料，日日發放（2023年）
類	財經、資訊節目、紀錄片及體育賽事
播出地區	香港、 澳門、 廣東省、海外（中文：海外）
收視率	0.6收視點（黃金時段）（2018年，資料來自電視廣播有限公司年報[1]）
總部位置	香港新界將軍澳創新園（中文：將軍澳創新園）駿才街77號電視廣播城
前稱	高清翡翠台、J5、無綫財經台、無綫財經·資訊台
姊妹頻道	翡翠台、J2、無綫新聞台、明珠台
網站	頻道官方網站
收睇方法 地面數碼電視 香港免費電視（中文：香港數碼地面電視廣播） 85頻道（HD） 有線電視 澳門基本電視頻道（中文：澳門基本電視頻道） 85頻道（HD） 澳門有線電視（中文：澳門有線電視） 161頻道（HD） 線上收睇／OTT 香港myTV SUPER 85頻道（HD）[2] 無綫新聞 85無綫財經 體育 資訊台