編程員

編程員（參照英文：programmer，粵拼：粵化口語音：prou1 grem4 maa4）係一種專業人士，專門用程式語言去撰寫、修改同測試電腦程式。編程員可以係大型開發團隊入便嘅成員，但亦有啲編程員係獨立作業嘅自由工作者^[1][2][3]。

依個人坐喺電腦前面寫程式；佢部電腦嘅熒光幕顯示一段段嘅電腦碼。

所需技能

内文：編程同程式除錯

所謂編程，係指根據某啲目的或者功能要求，用指定嘅程式語言（例如 Python、C++、JavaScript 等）撰寫一連串指令，教電腦或者其他電子系統點樣自動執行某啲工作。編程工作唔單只係打字咁簡單，仲包括要理解問題、設計解決方案、考慮效率同埋用家體驗等因素。編程員會用唔同工具，例如編輯器、版本控制系統（例如 GitHub）、除錯工具等等，幫助佢哋完成編程任務。

工作場所

唔同類型嘅組織都會請編程員，包括：

• 軟件公司（開發 Apps、網站、遊戲等）
• 銀行、保險等金融機構（維護系統、分析數據）
• 政府部門
• 大學或者科研機構（處理科研上嘅數據）

除咗受聘於某啲組織，有啲編程員亦會選擇做自由業者，即係自己搵客，接單寫程式。自由業編程員嘅工作彈性比較大，可以遙距工作、揀自己擅長或者有興趣嘅項目。不過又要自己負責搵客、報價、處理合約同收費問題，對自律性同溝通能力有一定要求。隨住遠距工作興起，同埋全球對科技人材需求不斷增加，自由業編程亦成為唔少人會考慮嘅職業路線。

睇埋

• 軟件工程