雙重過程理論

  提示：呢篇文講嘅唔係雙流假說。

雙重過程理論（粵拼：soeng1 cung4 go3 cing4 lei5 leon6；英文：dual process theory）係廿世紀後半橛出現喺認知心理學上嘅一套理論。根據呢套理論，人腦有兩大系統負責做決策同推理功能：第一型過程（Type 1 process）同第二型過程（Type 2 process）。雙重過程理論主張，多數嘅決策過程都會屬於呢兩種過程當中是但一種^[1][2]。

比較

睇埋：直覺同理性

呢兩種過程嘅特性如下：

	第一型過程： 「直覺」	第二型過程： 「理性」
定義性嘅特徵	唔使用到工作記憶	要用到工作記憶
通常有嘅特徵	快（可以即刻俾答案） 可以同時處理大量資訊 平行（可以同時做幾樣作業） 無意識 易受認知偏誤左右 唔抽象化 自動化嘅 同智能嘅相關比較弱 人類以外嘅動物都有 進化上比較早出現	慢（要諗吓先俾到答案） 淨係有得同時處理少量資訊 串連（冇時同時做幾樣作業） 有意識 冇咁易受常見嘅認知偏誤左右 可以好抽象化 受控嘅 同智能嘅相關比較強 人類獨有嘅 進化上比較遲出現

用神經成像做嘅研究顯示，呢兩種過程涉及唔同嘅腦區，清楚表明第一型過程同第二型過程係兩個唔同嘅系統^[3][4]。

運作模式

有學者指，人喺做判斷嗰陣好多時都會跟以下噉嘅做法：首先，佢哋嘅第一型系統（直覺）會俾個答案，然後佢哋嘅第一型系統又會衡量吓個答案係咪啱，如果第一型系統覺得個答案有問題，就會轉手俾第二型系統處理^[1]。

睇埋

• 認知
• 習慣
• 決策