1935年輕型坦克R型(法文:Char léger Modèle 1935 R),通稱雷諾R35,係一款法國喺第二次世界大戰入面用嘅坦克。佢設計嘅目的係取代舊式嘅FT-17法國陸軍標準嘅步兵坦克。
史
法國喺一戰時期研發嘅FT-17雖然被認為係一款成功嘅坦克,重遠銷好多國家,但係喺1930年代,法國軍方已經認為佢已經好老套,因為咁,就要新型嘅輕型坦克嚟取代佢嘅位置。同時,因為希特勒宣布廢除《凡爾賽條約》,所以搞到歐洲大陸局勢好緊張。R35就係喺咁樣嘅背景之下開始研發嘅[2]。
R35戰車喺1934年設計定型[4],同年年底樣車整好。[2]1936年,R35開始複製,但係炮塔因為技術問題生產停咗喺度,搞到FT-17被迫延長服役[4]。
性能
R35嘅大細同FT-17差唔多,坐到2個人,用咗傳動裝置前置,發動機後置嘅設計。主動輪喺前便,誘導輪喺後便。主要武器係37mm SA 18,主要用喺支援步兵。變速箱有4個前進檔,1個倒車檔。車體用咗鉚接結構,炮塔就係鑄造結構。防護能力高過FT-17。為咗增強跨越戰壕嘅能力,喺車尾裝咗車尾架,但係喺實戰入面成日被車組自己拆走[2]。
R35嘅單人炮塔有一個好大嘅缺點——車長唔單只要充當炮手同裝填手,重要指揮戰車行進,所以成日超忙[5]。後期型嘅R35加咗無線電臺之後,車長嘅負擔進一步加重(裝咗無線電台之後車長重要管埋無線電臺)[2]。
R35嘅另一個缺點係越野能力同防橫滑能力差[2]。
服役
因為法軍嘅戰術失誤,R35同其它法軍坦克一樣,喺法國戰役入面冇發揮太多作用,大部份被德軍虜獲[2]。不過,佢堅實嘅裝甲真係可以有效防住德軍嗰陣嘅反坦克武器嘅攻擊[1]。德軍之後將佢改做驅逐戰車。
其他用家
納粹德國
35R(f)47mm驅逐戰車
呢部驅逐戰車用咗R35坦克之底盤。喺法國投降嗰陣,有幾百輛部重可以用嘅R35被德軍虜獲。由於I號驅逐戰車停產,德軍決定將R35改裝做驅逐戰車。1940年12月23日,德軍向Alkett訂購咗200架嘅改裝訂單。原型車喺1941年2月8日改好,同年5月開始複製。呢款驅逐戰車用咗斯科達整嘅火炮,可以喺500m之外炸穿48mm裝甲。去到1942年4月1日,全部夾埋有148部呢啲車,1944年初有110輛喺度服役緊。因為呢款驅逐戰車受到大讚,所以德軍又將一部分35R(f)47mm驅逐戰車改裝做5mm Pak38。同時,重有一部分被拆除火炮之後改裝做指揮車[6]。
參攷
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.