首長級公務員
From Wikipedia, the free encyclopedia
首長級公務員(Directorate civil servants)係指做緊香港公務員首長級薪級(Directorate Pay Scale)第1至第8點(或同等薪點)高級職位嘅公務員。決策局嘅常任秘書長係目前最高職級嘅首長級薪級第8點(D8)職位[1]。香港史上,英屬時期嘅布政司同回歸初期嘅政務司司長係公務員之首,職級屬於首長級薪級第10點[2]。
香港政府規定,作為管理層嘅首長級公務員人數唔超過整體公務員編制人數嘅百分之一,開設首長級公務員常額或編外職位,都需要得到立法會人事編制小組委員會同財務委員會批准。首長級公務員享有私人秘書職系嘅支援服務。部門首長、副署長、助理署長部份職位會由同等職級嘅政務職系或行政職系首長級人員出任。