Edward de Bono
Maltese dokter (1933–2021) From Wikipedia, the free encyclopedia
Maltese dokter (1933–2021) From Wikipedia, the free encyclopedia
Edward de Bono (19 Mei 1933 - 9 Junie 2021) was 'n Maltees gebore dokter en skrywer met 'n oorvloed van publikasies oor die onderwerp van denke en het ook baie opleiding aangebied oor die vakgebied. Baie mense ken hom as die persoon wat die term laterale denke verwoord het en beskou hom as die pionier op die gebied.
De Bono is in Malta gebore en het aan die St Edward's College daar gestudeer, waarna hy dan ook sy mediese doktersgraad by die Royal University of Malta verwerf. Na verdere studie by die Universiteit van Oxford met 'n Rhodes-beurs het hy 'n honneursgraad in sielkunde en fisiologie asook die D.Phil graad in geneeskunde daar verwerf. Hy het verder ook 'n doktorsgraad by die Universiteit van Cambridge voltooi en fakulteitsaanstellings gehad by Oxford, die Universiteit van Londen, Cambridge en Harvard. Hy is getroud en het twee seuns.
In 1969 het De Bono die Cognitive Research Trust (CoRT) gestig wat voortdurend materiaal wat op sy idees geskoei is produseer en bemark.
Hy het reeds 65 boeke geskryf wat vertaal is na 37 tale. Hy het die laaste 30 jaar van sy lewe gewy aan die onderrig van denktegnieke, wat samewerking met regerings, maatskappye, organisasies en indiwidue insluit en tree ook gereeld as spreker op rondom vele aangeleenthede. Hy het begin om SITO – die 'Supranational Independent Thinking Organisation' op die been te kry in Malta, wat hy beskryf as 'n tipe intellektuele Rooi Kruis.
De Bono het 'n reeks doelgerigte denkmetodes ontwikkel en beskryf, wat klem lê op denke as 'n doelbewuste daad eerder as 'n reaktiewe een. Hy gebruik 'n duidelike en praktiese skryfstyl en vermy akademiese terminologie. Hy het bygedra tot die vooruitgang van toegepaste sielkunde deur sy teorieë oor kreatiwiteit en persepsie duidelik om te skakel na bruikbare hulpmiddelle. Hy neig om nie na ander se teorieë oor verstandelike prosesse te verwys nie maar verkies eerder om te bou op sy eie (soos uiteengesit in sy boek The Mechanism of the Mind (1969) wat dien as onderbou van sy latere werke).
De Bono se werk het veral gewildheid verwerf in die besigheidsgeledere – miskien vanweë die geloof dat daar 'n behoefte bestaan om maatskappye te herstruktureer om meer plooibare werkspraktyke toe te laat en om innoverend te wees ten opsigte van produkte en dienste. Baie van sy metodes is aangepas en ingelyf in korporatiewe opleidingskursusse wat ontwerp is om werknemers en bestuurders te help om 'buite die norm' te dink.
De Bono bestuur 'n netwerk van opleidingsbeamptes wat onderrig gee oor sy amptelike denkmetodes, maar baie elemente van sy werk word deur ander opleidingsbeamptes ook gebruik.
Boeke deur De Bono sluit in:
De Bono het ook verskeie artikels gepubliseer in erkende joernale soos The Lancet en Clinical Science.
 |
Wikimedia Commons bevat media in verband met Edward de Bono. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
![Thumb](#/media/Lêer:Edward_de_Bono_on_Channel_4_"Opinions".jpg)
.svg){kind=small}
