Afar

Afar (Qafaraf, ’Afar Af, Afaraf, Qafar af) is 'n Koesjitiese taal wat deur sowat 2 miljoen mense in Djiboeti, Eritrea en Ethiopië aan die Horing van Afrika gepraat word. Dit geniet in Djiboeti, Eritrea en Ethiopië erkenning as 'n nasionale taal. Afar word met die Latynse alfabet geskryf. Afar word as 'n Laagland Oos-Koesjitiese taal gekategoriseer met die naaste verwante Saho, gevolg deur Somalies, die amptelike taal van Somalië, en Oromo.^[2]

Ligging van die Afar-streek in Ethiopië, een van nege etniese streke

Hierdie artikel handel oor die taal. Vir die etniese groep, sien Afar (volk).

Afar Qafaraf
Gepraat in:	Djiboeti  Eritrea  Ethiopië
Gebied:	Horing van Afrika
Totale sprekers:	2 miljoen[1]
Taalfamilie:	Afro-Asiaties  Koesjities   Laagland Oos-Koesjities    Saho-Afar     Afar
Skrifstelsel:	Latynse alfabet (Djiboeti, Eritrea) Ge'ez-skrif (Ethiopië)
Amptelike status
Amptelike taal in:	Djiboeti (Nasionale taal)  Eritrea (Nasionale taal)  Ethiopië (Nasionale taal)
Gereguleer deur:	geen
Taalkodes
ISO 639-1:	aa
ISO 639-2:	aar
ISO 639-3:	aar

In Ethiopië word Afar as ampstaal van die Afar-streek in Noordoos-Ethiopië erken en met die Ge'ez-skrif geskryf. Afar is Djiboeti se tweede belangrikste taal met sowat 35% van die bevolking wat dit praat, net na Somalies met 60%. Sedert 2020 dien Afar saam met Amharies, Engels, Oromo, Somalies en Tigrinya as amptelike tale van Ethiopië.^[3]