Tigrinja

Tigrinja (ትግርኛ, tigriññā, [tɨɡrɨɲa], ) is 'n Semitiese taal wat deur sowat 7,5 miljoen mense in Eritrea en Ethiopië aan die Horing van Afrika gepraat word. Dit vorm saam met Arabies en Engels die amptelike tale van Eritrea. Tigrinja word met die Tigrinja-alfabet, 'n variasie van die Ge'ez-skrif, geskryf. Tigrinja is verwant aan Amharies, die amptelike taal van Ethiopië, en word hoofsaaklik in die hoofstadstreek Asmara gepraat.

Hierdie artikel handel oor die taal. Vir die etniese groep, sien Tigrinya (volk).

Tigrinja ትግርኛ, tigriññā
Uitspraak:	[tɨɡrɨɲa]
Gepraat in:	Eritrea  Ethiopië
Gebied:	Horing van Afrika
Totale sprekers:	7,5 miljoen[1]
Taalfamilie:	Afro-Asiaties  Semities   Suid-Semities    Ethiopies-Semities     Tigrinja
Skrifstelsel:	Tigrinja-alfabet (Ge'ez-skrif)
Amptelike status
Amptelike taal in:	Eritrea  Ethiopië
Gereguleer deur:	geen
Taalkodes
ISO 639-1:	ti
ISO 639-2:	tir
ISO 639-3:	tir

Eritrea se landsnaam in Tigrinja met Ethiopiese skrif

Ligging van die Tigray-streek in Ethiopië, een van nege etniese streke

In Ethiopië word dié taal Tigray genoem en word as ampstaal van die Tigray-streek in Noord-Ethiopië erken. Tigrinja is nou verwant aan Amharies en Tigre, al drie het uit die antieke taal Ge'ez ontwikkel. Tigrinja vorm die vierde mees verspreide taal in Ethiopië na Oromo, Amharies en Somalies en word veral in die Tigray-streek gebesig, een van nege etniese streke. Sedert 2020 dien Tigrinja saam met Afar, Amharies, Engels, Oromo en Somalies as amptelike tale van Ethiopië.^[2] In Eritrea word Tigrinja deur sowat 55% van die bevolking gepraat.