Anaboom

Die Anaboom (Faidherbia albida) - voorheen Acacia albida - is 'n boom wat aangetref word in die alluviale vloedvlaktes of langs die riviere en panne in Limpopo, Mpumalanga, KwaZulu-Natal asook Eswatini.

Anaboom
Eksemplaar in die Manie van der Schijff Botaniese Tuin, Pretoria
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Plantae
Klade:	Tracheofiete
Klade:	Angiospermae
Klade:	Eudicots
Klade:	Rosids
Orde:	Fabales
Familie:	Fabaceae
Klade:	Mimosoideae
Genus:	Faidherbia
Spesie:	F. albida
Binomiale naam
Faidherbia albida (Delile) A.Chev.
Verspreiding van F. albida
Sinonieme
Acacia aegyptiaca Baill. Acacia albida Delile Acacia gyrocarpa Hochst. ex A.Rich. Acacia mossambicensis Bolle Acacia saccharata Benth. Acacia selenicarpa Desv. Faidherbia albida var. glabra Nongon. Faidherbia albida var. pseudoglabra Nongon. Prosopis kirkii Oliv.

Alhoewel Akasias met aarvormige blomme byna altyd haakdorings het, is die anaboom die uitsondering. Die blomme is roomwit in are en die dorings is reguit – tot sowat 2 cm lank. Die boom word tot 30 m hoog. Die boom dra buitengewoon groot, gekromde helder oranje tot rooierige peule. Die peule word deur vee en wild gevreet.^[1]

Die boom is die enigste spesie in die genus Faidherbia, wat aan die sub-familie Mimosoideae behoort en op sy beurt weer aan die familie Fabaceae behoort. Die boom se FSA-nommer is 159.^[2][3]

Fotogalery

• 
  Loof te Kaap Verde
• 
  Bloeiwyses in die Namib-Naukluft
• 
  Peule te Pafuri, Krugerwildtuin
• 
  Anaboom-brandhout in Namibië

Sien ook

• Alfabetiese lys van Suid-Afrikaanse bome