Angika

Angika (अंगिका) is 'n Indo-Ariese taal wat deur sowat 15 miljoen mense in die Indiese deelstate Bihar en Jharkhand gebesig word.^[4]

Die woord "Angika" in Devanagari-skrif

 

Angika अंगिका
Gepraat in:	Indië  Nepal
Gebied:	Suid-Asië
Totale sprekers:	15 miljoen[1][2]
Taalfamilie:	Indo-Europees  Indo-Irannees   Indo-Aries    Oos-Indo-Aries     Bihari      Angika
Skrifstelsel:	Devanagari
Amptelike status
Amptelike taal in:	Indië[3] Jharkhand  Nepal
Gereguleer deur:	geen
Taalbedreigingstatus
Uitgesterf EXUitgestorwe taal Bedreig CRKrities bedreigde SEErg bedreigde DEBedreigde VUKwesbare    Veilig    NENie bedreig nie Dit is 'n kwesbare taal volgens die UNESCO-wêreldatlas van bedreigde tale.
Taalkodes
ISO 639-1:	geen
ISO 639-2:	anp
ISO 639-3:	anp

Alhoewel die aantal mense wat Angika besig, groot is, word dié taal in die grondwet van Indië nie erken nie. In Bihar word Hindi as onderwys- en amptelike taal gebruik.^[5]

Angika behoort tot die Bihari-tale, d.w.s. tale wat nou verwant is aan Hindi en soms as dialekte van dié taal beskou word. Die Bihari-tale vorm 'n dialekkontinuum wat 'n presiese afbakening van enkele tale moeilik maak. Sedert Maart 2018 is Angika een van die Indiese deelstaat Jharkhand se ampstale.^[6] Aangesien alle inheemse moedertale van Nepal as nasionale tale erken word, dien Angika as een van Nepal se baie nasionale tale.