Bashkirium

Die Bashkirium is ’n chronostratigrafiese etage sowel as ’n geologiese tydsnede in onderskeidelik die sisteem en periode Karboon (epog/serie Pennsylvanium). Dit verwys dus na ’n tydperk sowel as die gesteentes wat in dié tydperk gevorm het.

Periode/ sisteem	Epog/ serie	Tydsnede/ etage	M. jaar gelede
Perm	Sisuralium	Asselium	jonger
Karboon	Pennsylvanium	Gzhelium	298,9–303,7
		Kasimovium	303,7–307,0
		Moskovium	307,0–315,2
		Bashkirium	315,2–323,2
	Mississippium	Serpukhovium	323,2–330,9
		Viséum	330,9–346,7
		Tournaisium	346,7–358,9
Devoon	Laat	Famennium	ouer
Die verdeling van die Karboon (IKS).

Die Bashkirium was van sowat 323,2 tot 315,2 miljoen jaar gelede.^[1] Dit is voorafgegaan deur die etage/tydsnede Serpukhovium en gevolg deur die Moskovium.

Naam en definisie

Die etage is genoem na die Russiese republiek Basjkirië in die suide van die Oeralgebergte. Die basis van die Bashkirium word gedefinieer deur die eerste voorkoms van die Conodonta Declinognathodus nodiliferus en/of Idiognathoides postsulcatus^[2] en die Fusulinida Aljutovella aljutovica.^[3] Die tipeligging van die basis is in Arrow-canyon in Nevada, VSA.^[4]

Biostratigrafie

In die biostratigrafie word die etage met behulp van gidsfossiele en Conodonta ingedeel in die volgende ses biosones:

• die sone van Neognathodus atokaensis
• die sone van Declinognathodus marginodosus
• die sone van Idiognathodus sinuosus
• die sone van Neognathodus askynensis
• die sone van Idiognathoides sinuatus
• die sone van Declinognathodus noduliferus