Blade Nzimande

Bonginkosi Emmanuel "Blade" Nzimande (gebore 14 April 1958) is 'n Suid-Afrikaanse politikus wat tussen Mei 2009 en Oktober 2017 as Minister van Hoër Onderwys en Opleiding, en weer sedert 30 Mei 2019 as Minister van Hoër Onderwys, Wetenskap en Tegnologie gedien het.^[2] Einde Februarie 2018 is hy deur president Cyril Ramaphosa as Minister van Vervoer benoem. Na Malusi Gigaba se bedanking, het hy ook vir 10 dae as waarnemende Minister van Binnelandse Sake gedien.^[3]

Blade Nzimande
Blade Nzimande in 2011
Minister van Wetenskap, Tegnologie en Innovering
Ampsbekleër
Termynaanvang 3 Julie 2024
Vise	Nomalungelo Gina
President	Cyril Ramaphosa
Minister van Hoër Onderwys, Wetenskap en Tegnologie
Ampstermyn 30 Mei 2019 – 30 Junie 2024
Vise	Buti Manamela
President	Cyril Ramaphosa
Voorafgegaan deur	nuwe pos geskep
Opgevolg deur	Nobuhle Nkabane (Hoër Onderwys)
Minister van Vervoer
Ampstermyn 28 Februarie 2018 – 29 Mei 2019
President	Cyril Ramaphosa
Voorafgegaan deur	Joseph Maswanganyi
Opgevolg deur	Fikile Mbalula
Minister van Hoër Onderwys en Opleiding
Ampstermyn 11 Mei 2009 – 17 Oktober 2017
President	Jacob Zuma
Voorafgegaan deur	Naledi Pandor
Opgevolg deur	Hlengiwe Mkhize
Persoonlike besonderhede
Gebore	14 April 1958 (1958-04-14) (67 jaar oud) Edendale, Natal, Suid-Afrika
Politieke party	Suid-Afrikaanse Kommunistiese Party
Alma mater	Georgetown High, Edendale Universiteit van Natal[1]

Hy dien as uitvoerende hoof van die Suid-Afrikaanse Kommunistiese Party (SAKP)^[1][4] en besit 'n doktorsgraad in filosofie met spesialisering in sosiologie. By die COSATU-konferensie in Junie 2011 het Nzimande hom sterk uitgespreek teen voorstelle oor nasionalisering, deur te beweer dat dit nie noodwendig progressief is nie en afhang van watter klasbelange bevorder sal word.^[5]

Nzimande is die skrywer van die boek Children of Wars: The impact of violence on schooling in Natal.^[6]