Delagoadoring

Die Delagoadoring (Senegalia welwitschii, voorheen bekend as Acacia welwitschii) is 'n doringboom wat inheems is aan Suid-Afrika en voorkom in die provinsies Mpumalanga en Limpopo. Die spesie is ook inheems in Angola, Malawi, Mosambiek en Zimbabwe. Op die SANBI-rooilys is dit as 'veilig' (LC) gelys.^[1]

Delagoadoring
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Plantae
Klade:	Tracheofiete
Klade:	Angiospermae
Klade:	Eudicots
Klade:	Rosids
Orde:	Fabales
Familie:	Fabaceae
Genus:	Senegalia
Spesie:	S. welwitschii
Binomiale naam
Senegalia welwitschii (Oliv.) Kyal. & Boatwr., (2013)

Die boom is gewoonlik groot en regop met 'n platterige kroon. Dit vorm digte stande op die noordelike vloedvlaktes soos in die Orpen-gebied van die Krugerwildtuin. In die suide van die wildtuin vorm dit ook 'n belangrike element van die Delagoa-ruigtes.^[2]

Sien ook

• Alfabetiese lys van Suid-Afrikaanse bome