FOSATU

Die Federation of South African Trade Unions (FOSATU) was 'n vakbond-federasie wat deur 'n kongres oor die naweek van 14–15 April 1979 in Hammanskraal gestig is. Vyf dae later, op 20 April, is die nuwe vakbond-federasie amptelik bekendgestel.^[1][2] Die wortels van FOSATU lê in die spontane 1973-stakings in Durban en Pinetown deur swart werkers ('n deel van die sogenaamde "Durban Moment"). Op 1 Desember 1985 het FOSATU ontbind en 'n deel van die nuwe Congress of South African Trade Unions (COSATU) geword.^[3][4]