FlySafair

FlySafair is 'n laekosteredery gebaseer in Johannesburg, Suid-Afrika. Dit is 'n volfiliaal van Safair. Die maatskappy se slagspreuk is For The Love Of Flying.

FlySafair

IATA ICAO Roepteken FA SFR SAFAIR
Gestig	Augustus 2013
Eerste vlug	16 Oktober 2014; 10 jaar gelede (2014-10-16)[1]
Hoofspille	Kaapstad Int. Lughawe O.R. Tambo Int. Lughawe Koning Shaka Internasionale Lughawe
Vlootgrootte	22
Bestemmings	9
Houermaatskappy	Safair
Hoofkantoor	Johannesburg, Suid-Afrika
Sleutelpersone	HUB: Elmar Conradie
Werknemers	1 300 (Junie 2022)[2]
Webwerf	flysafair.co.za

Geskiedenis

Die lugredery is in Augustus 2013 gestig en is deur die Suid-Afrikaanse Lugdienslisensiëringsraad goedgekeur om bedrywighede met tien daaglikse dienste tussen Johannesburg se O.R. Tambo Internasionale Lughawe en die Kaapstad Internasionale Lughawe te begin.^[3]

Die lugredery het planne gehad om in Oktober 2013 met bedrywighede te begin.^[4] Die Hooggeregshof van Suid-Afrika het egter op 8 Oktober 2013 'n tussentydse hofbevel toegestaan wat die lugredery verhinder om bedrywighede te begin, na 'n aansoek deur mededingende lugrederye,^[5] op grond daarvan dat dit nie aan die wetlike vereiste van 75% plaaslike eienaarskap voldoen het nie. Aansienlike herstrukturering van eienaarskap het plaasgevind en FlySafair se eerste vlug het uiteindelik op 16 Oktober 2014 opgestyg.^[1]

Bestemmings

'n FlySafair Boeing 737-400

FlySafair Boeing 737-844 wat voorheen aan die SAL behoort het

FlySafair bedien die volgende bestemmings:^[6]

Land	Stad	Lughawe	Notas
Suid-Afrika	Bloemfontein	Bram Fischer Internasionale Lughawe
	Kaapstad	Kaapstad Internasionale Lughawe
	Durban	Koning Shaka Internasionale Lughawe
	Oos-Londen	Koning Phalo Internasionale Lughawe[6]
	George	George-lughawe
	Gqeberha	Hoofman Dawid Stuurman Internasionale Lughawe
	Johannesburg	O.R. Tambo Internasionale Lughawe
		Lanseria Internasionale Lughawe
Angola	Luanda	Quatro de Fevereiro Internasionale Lughawe
Botswana	Gaborone	Sir Seretse Khama Internasionale Lughawe
Kenia	Nairobi	Jomo Kenyatta Internasionale Lughawe
Mauritius	Port Louis	Sir Seewoosagur Ramgoolam Internasionale Lughawe
Mosambiek	Maputo	Maputo Internasionale Lughawe
Namibië	Windhoek	Hosea Kutako Internasionale Lughawe
Seychelle	Mahé	Seychelle Internasionale Lughawe
Zambië	Livingstone	Harry Mwanga Nkumbula Internasionale Lughawe
	Lusaka	Kenneth Kaunda Internasionale Lughawe
Zimbabwe	Bulawayo	Joshua Mqabuko Nkomo Internasionale Lughawe
	Victoria Falls	Victoria Falls Lughawe

Interlyn-ooreenkomste

FlySafair het interlyn-ooreenkomste met die volgende lugrederye:

• Air France
• KLM
• Qatar Airways
• Emirates
• Kenya Airways
• Ethiopian Airlines
• Proflight Zambia

Vloot

Teen Oktober 2022 bestaan die FlySafair-vloot uit die volgende Boeing-vliegtuie:^[7]

FlySafair vloot

Vliegtuig	Indiens	Bestellings	Passasiers
Boeing 737-400	5	0	165
Boeing 737-800[8]	21	2	189
Totaal	26	2

Dienste

Invlugdiens

FlySafair bied kos en drankies aanboord te koop aan. FlySafair bied ook 'n maandelikse tydskrif aan boord genaamd In Flight. Dit was ook die eerste lugredery in Suid-Afrika wat kaartbetalings aan boord hul vlugte gebied het.

Op hul Internasionale roete bied hulle 'n voorafverpakte ete gratis aan, met ander eet- en drinkopsies te koop.

Om higiëniese redes is die In Flight-tydskrif tans slegs in digitale formaat beskikbaar.

FlySafair Vakansies

FlySafair het hul vakansieprogram in Mei 2021 bekendgestel, saam met die plaaslike maatskappy Tripco om vlugte en akkommodasie te kombineer.