Middelburg, Mpumalanga

Middelburg is 'n groot dorp in Mpumalanga, naby Witbank, in Suid-Afrika. Die nedersetting het 'n bevolking van 87 348 in 2011 gehad.^[1]

Hierdie artikel handel oor die dorp in Mpumalanga. Vir ander gebruike, sien Middelburg.

Middelburg
NG Gedenkkerk in Middelburg
Middelburg  Middelburg se ligging in Mpumalanga
Koördinate: 25°46′6.30″S 29°28′42″O
Land	Suid-Afrika
Provinsie	Mpumalanga
Distrik	Nkangala
Munisipaliteit	Steve Tshwete
Stigting	1864
Oppervlak [1]
• Totaal	117,40 km2 (45,33 vk. myl)
Hoogte	1 490 m (4 890 ft)
Bevolking  (2011)[1]
• Totaal	87 348
• Digtheid	744/km2 (1 930/vk. myl)
Rasverdeling (2011) [1]
• Wit mense	48.5%
• Indiërs/Asiërs	3.8%
• Bruin mense	5.6%
• Swart mense	41.6%
• Ander	0.5%
Taal (2011) [1]
• Afrikaans	50.3%
• Zoeloe	12.4%
• Engels	11.1%
• Noord-Sotho	7.6%
• Ander	18.6%
Poskode (strate)	1050
Poskode (posbusse)	1055

Geskiedenis

Die dorp is eers gestig op die plase Klipfontein en Keerom langs die Klein Olifantsrivier in 1859 en was aanvanklik ook deel van die Republiek van Lydenburg. In 1864, op aandrang van ds. Frans Lion Cachet, is die dorp verskuif na die plaas Sterkfontein waar die dorp uitgelê en Nasareth genoem is. In 1872 is die naam verander, op aandrang van pres TF Burgers, na Middelburg omdat die dorp halfpad tussen Pretoria en Lydenburg lê en Nasareth hom aan melaatsheid laat dink het.

Distrik

Die munisipale gebied is 3 976 km² groot en steenkool word op groot skaal hier ontgin. Gedurende die 1970's is 'n spoorlyn gebou vanaf Broodsnyersplaas 35 km suid van Middelburg wat aansluit by die groot steenkoolspoorlyn na Richardsbaai. Sodoende kan steenkool en antrasiet uitgevoer word. Beesboerdery word beoefen terwyl mielies, wol en aartappels ook belangrike produkte is.

Galery

• 
  Die Middelburgstasie.
• 
  Die SAR Klas 18E, Reeks 1 op Middelburg.
• 
  Die Arnotkragsentrale naby Middelburg.
• 
  Die Botshabelo-kerkie naby Middelburg.
• 
  Fort Merensky naby Middelburg.
• 
  Coetzeestraat in die middedorp van Middelburg.

Sien ook

• Laerskool Middelburg
• Middelburgstasie
• Middelburg-hospitaal
• Lys van dorpe in Suid-Afrika

Bronne

• Coetzee, Ria: IN MEMORIAM Middelburg (Transvaal). In: Omgewing RSA. Deel 10, nr. 4, April 1983
• Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.
• Eric Rosenthal (1967) Ensiklopedie van Suidelike Afrika. Kaapstad.