Salween

Die Salween (Birmaans: သာန်လာန် Thanlwin, Chinees: 怒江 Nù Jiāng, Thai: แม่น้ำสาละวิน, Tibettaans: རྒྱལ་མོ་རྔུལ་ཆུ། rGyl mo rNGul chu) is 'n groot suid-vloeiende rivier in Asië. Die rivier, met 'n lengte van 2 815 km (1 749 myl), vloei vanaf die Volksrepubliek China in die noorde, deur Mianmar, Thailand en weereens deur Mianmar in die suide.

Die Salween naby Liuku in die Chinese provinsie Yunnan

Nasa-Satellietbeeld van die Salween se delta (Suid is links bo)

Salween
Die Salween op die grens tussen Mianmar (links) en Thailand (regs). Die Salween op die grens tussen Mianmar (links) en Thailand (regs).
Die stroomgebied van die Salween.
Oorsprong	Hoogland van Tibet
Monding	naby Mawlamyine, Mianmar Andamanse See
Stroomgebied	Volksrepubliek China, Mianmar, Thailand
Lengte	2 815 km (1 749 myl)
Oorspronghoogte	5 350 m (17 552 voet)
Mondinghoogte	0 m (0 voet)
Gemiddelde afloop	4 978 m³/s (175 796 vt³/s)[1]
Stroomgebiedopp.	324 000 km² (125 100 myl²)

Die Salween ontspring in die Hoogland van Tibet (Volksrepubliek van China), noord van die Himalaja en vloei in suidoostelike rigting deur die provinsie Yunnan noordoos van Indië. Aansluitend vloei die rivier in suidelike rigting en vorm later die grens tot Mianmar. Net oos vloei die Mekong en die Yangtze. Hierdie beskermde gebied van drie parallelle riviere in Yunnan is deur Unesco in 2003 as wêrelderfenisgebied gelys.^[2] Suid daarvan vloei die rivier deur die ooste van Mianmar en daarnaas vorm die Salween vir 'n kort tyd die grens tussen Mianmar en Thailand net voordat dit naby die hawestad Mawlamyine in die Andamanse See uitmond.