Scilly-eilande

Die Scilly-eilande (Engels: Isles of Scilly of Scilly Isles, Kornies: Syllan of Enesek Syllan) of Sorlinge is 'n argipel wat suidwes van Cornwall, Engeland, en tussen 40 en 58 km (25 tot 36 myl) van die streek se mees westelike skiereiland Land's End af in die Keltiese See geleë is. Die Scilly-eilande vorm die mees suidelike punt van Engeland en Groot-Brittanje.

Scilly-eilande Inheemse naam: Isles of Scilly / Scilly Isles Syllan / Enesek Syllan
Ligging van die Scilly-eilande aan die kus van Engeland
Geografie
Ligging	Cornwall, Engeland, Verenigde Koninkryk
Koördinate	49°56′10″N 06°19′22″W
Argipel	Britse Eilande
Totale eilande	145
Hoofeilande	St. Mary's, Tresco, St. Martin's, Bryher, St. Agnes
Oppervlakte	16,37 vk km
Administrasie
Verenigde Koninkryk
Land	Engeland
Grootste stad	Hugh Town (1 097)
Charles III	Charles III
Demografie
Bevolking	2 300
Bevolkingsgroepe	Engelse

Nie-amptelike vlag van die Scilly-eilande

Nasa-Satellietbeeld van die Scilly-eilande

'n Uitsig oor Tresco, die tweede grootste eiland

Die argipel bestaan uit meer as 140 eilande, waarvan net vyf bewoon is. In 2016 het die eilande 'n bevolking van 2 300 gehad en het 'n oppervlakte van 16,37 km². Die Scilly-eilande maak deel uit van die seremoniële graafskap Cornwall en is naby die ingang van die Engelse Kanaal geleë.

Die eilandgroep bestaan uit graniet en is sodoende 'n voortsetting van die granietmassas van die Corniese vasteland. Die hoogste punt van 50 m bo seevlak is op St. Mary's geleë. Die eilande se kuslyne is rotsig met baie gevaarlike riwwe.

Danksy die eilandgroep se buitengewoon gematigde klimaat met maandelikse gemiddeldes tussen 7 en 16 °C verskil sy fauna en flora merkbaar van dié wat op die Engelse vasteland aangetref word. So gedy hier onder meer ook subtropiese plantspesies. Die argipel se rotse en eilandjies is 'n habitat vir robbe.

Geografie

Eiland	Bevolking (2001-sensus)	Oppervlakte (km²)	Hoofstad
St. Mary's	1 666	6,58	Hugh Town
Tresco	180	2,97	New Grimsby
St. Martin's (met White Island)	142	2,37	Higher Town
St. Agnes (met Gugh)	73	1,48	Middle Town
Bryher (met Gweal)	92	1,32	The Town
Samson	–(1)	0,38
Annet	–	0,21
St Helen's	–	0,20
Teän	–	0,16
Great Ganilly	–	0,13
Oorblywende 45 eilandjies	–	0,57
Scilly-eilande	2 153	16,37	Hugh Town

⁽¹⁾ Bewoon tot 1855.

Eksterne skakels

• Wikimedia Commons het meer media in die kategorie Scilly-eilande.
• (en) Amptelike webwerf van die Scilly-eilande se Council
• (en) Toerisme-inligting oor Scilly-eilande op Wikivoyage