Gewone taaibos

Die gewone taaibos (Searsia pyroides), voorheen Rhus pyroides, is 'n boom wat feitlik reg oor Suid-Afrika voorkom behalwe die Noord- en Wes-Kaap. Die spesie kom ook in Botswana, Burundi, Demokratiese Republiek die Kongo, Eswatini, Ethiopië, Kameroen, Kenia, Lesotho, Malawi, Mosambiek, Namibië, Rwanda, Soedan, Soedan, Tanzanië, Tsjad, Uganda, Zambië en Zimbabwe voor.

Gewone taaibos
Bewaringstatus
Veilig  (IUCN 2.3)
Wetenskaplike klassifikasie
Domein:	Eukaryota
Koninkryk:	Plantae
Klade:	Tracheofiete
Klade:	Angiospermae
Klade:	Eudicots
Klade:	Rosids
Orde:	Sapindales
Familie:	Anacardiaceae
Genus:	Searsia
Spesie:	S. pyroides
Binomiale naam
Searsia pyroides (Burch.) Moffett, (2007)
Sinonieme
Rhus pyroides Burch. Toxicodendron pyroides (Burch.) Kuntze

Die boom groei in 'n groot variëteit van habitats. Dorings is soms teenwoordig. Klein ronde vruggies word deur verskeie voëls geëet, o.a. spreeus, tiptolle, fisante en houtkappers. Ruspes van sommige skoenlapperspesies lewe op die bome.

Subspesies

Die spesie het vier subspesies:

• Searsia pyroides var. dinteri (Engl.) Moffett
• Searsia pyroides var. gracilis (Engl.) Moffett
• Searsia pyroides var. integrifolia (Engl.) Moffett
• Searsia pyroides var. pyroides

Ander name

Die boom se Engelse naam is common currant-rhus en sy FSA-nommer 392.^[1]

Sien ook

• Alfabetiese lys van Suid-Afrikaanse bome