Thaba Nchu

Thaba Nchu is 'n dorpie in die Vrystaat, Suid-Afrika. Die N8 nasionale pad gaan deur Thaba Nchu.

Thaba Nchu
Dorp
'n Uitsig oor Thaba Nchu
Thaba Nchu  Thaba Nchu se ligging in Vrystaat
Koördinate: 29°12′0″S 26°50′0″O
Land	Suid-Afrika
Provinsie	Vrystaat
Munisipaliteit	Mangaung
Stigting	1873
Oppervlak [1]
• Totaal	36,39 km2 (14,05 vk. myl)
Bevolking  (2011)[1]
• Totaal	70 118
• Digtheid	1 927/km2 (4 990/vk. myl)
Rasverdeling (2011) [1]
• Wit mense	0.2%
• Indiërs/Asiërs	0.3%
• Bruin mense	0.4%
• Swart mense	98.9%
• Ander	0.2%
Taal (2011) [1]
• Sotho	46.8%
• Tswana	40.1%
• Engels	3.9%
• Xhosa	3.8%
• Ander	5.5%
Poskode (strate)	9780
Poskode (posbusse)	9780
Skakelkode	051

Geskiedenis

Die NG kerk op Thaba Nchu is ontwerp deur Hermann Kallenbach en A. Reynolds. Die argitek William Henry Ford het toesig oor die bouwerk gehou.

Die area was die vesting van die Barolongstam onder hul hoofman, Moroka, wat hulle in die 1830's hier gevestig het na die stamoorloë met die Matebeles onder leiding van Silkaats. 'n Sendingstasie is hier in 1833 geopen deur die Wesleyaanse sendeling, eerwaarde James Archbell. Aangesien die dorp op die hoofroete van die Groot Trek vanaf die oostelike Kaapkolonie was, en omrede hoofman Moroka die Voortrekkers goedgesind was, het die Voortrekkers hier uitgespan. Die dorp is in 1873 gestig en was deel van Bophuthatswana, een van die voormalige tuislande.

Omgewing

Die dorp lê in die nasionale park Maria Moroka. Die park sluit die grootse gedeelte van die berg Thaba Nchu in en die Groothoekdam is ook in die park.

Sien ook

• Gereformeerde kerk Tweespruit
• NG gemeente Thaba 'Nchu-Tweespruit
• Lys van dorpe in Suid-Afrika

Bronne

• Ensiklopedie van Suidelike Afrika, Eric Rosenthal, 1967.
• Op Pad in Suid-Afrika. B.P.J. Erasmus. 1995. ISBN 1-86842-026-4