Trekduif

Die trekduif (Ectopistes migratorius) was 'n spesie van duiwe wat in groot getalle oor die kontinent van Noord-Amerika voorgekom het.

Trekduif
Spesimen by die Field-museum vir Natuurgeskiedenis in Chicago
Bewaringstatus
Uitgestorwe  (1914)  (IUCN 3.1)[1]
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Columbiformes
Familie:	Columbidae
Genus:	† Ectopistes Swainson, 1827
Spesie:	† E. migratorius
Binomiale naam
Ectopistes migratorius (Linnaeus, 1766)
Die voormalige verspreiding      omswerwingsgebied        broeigebied
Sinonieme
Columba migratoria Linnaeus, 1766 Columba canadensis Linnaeus, 1766 Ectopistes migratoria Swainson, 1827

Volgens skatting was daar ten minste 3 tot 5 miljard van hierdie duiwe in Noord-Amerika toe die Europese setlaars daar aangeland het. Hulle het dikwels op onreëlmatige tye in groot swerms oor die kontinent gevlieg. In 1866 het die oortog van so 'n swerm in Ontario ten minste 14 uur lank geduur. Die swerm moes meer as 'n miljard duiwe bevat het.

Ondanks die groot getalle het hierdie duiwe later uitgesterf. Daar is genadeloos op hulle gejag en ontbossing het tot 'n verlies aan habitat gelei.

By 'n bepaalde broeikolonie in Michigan is daar in 1874 sowat 25 000 duiwe per dag afgemaai. In die jare tagtig van die negentiende eeu was dit duidelik dat die voëls deur uitsterwing bedreig word. Op 1 September 1914 sterf die laaste duif, genaamd Martha, in die Cincinnati- Diere- en Botaniese Tuin.

Galery

• 
  eier
• 
  Lewende trekduif in 1896, deur C.O. Whitman aangehou
• 
  Rugkant van spesimen by die Naturalis-biodiversiteitsentrum, Nederland
• 
  Verskeie spesimens in 'n diorama by die Denver-museum vir Natuur en Wetenskap

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (Groepeer)
• Lys van Suider-Afrikaanse voëls volgens wetenskaplike name