Turonium

Die Turonium is ’n chronostratigrafiese etage sowel as ’n geologiese tydsnede van onderskeidelik die sisteem en periode Kryt (serie/epog Laat Kryt). Dit verwys dus na ’n tydperk sowel as die gesteentes wat in dié tydperk gevorm het.

Periode/ sisteem	Epog/ serie	Tydsnede/ etage	M. jaar gelede
Paleogeen	Paleoseen	Danium	jonger
Kryt	Laat	Maastricht	66,0–72,1
		Campanium	72,1–83,6
		Santonium	83,6–86,3
		Coniakium	86,3–89,8
		Turonium	89,8–93,9
		Senomanium	93,9–100,5
	Vroeg	Albium	100,5–~113,0
		Aptium	~113,0–~125,0
		Barremium	~125,0–~129,4
		Hauterivium	~129,4–~132,9
		Valanginium	~132,9–~139,8
		Berriasium	~139,8–~145,0
Jura	Laat	Titonium	ouer
Die verdeling van die Kryt (IKS).

Die tydperk was van sowat 93,9 tot 89,8 miljoen jaar gelede.^[1] Dit is voorafgegaan deur die Senomanium en gevolg deur die Coniakium.

Naam en definisie

Die Turonium is in 1842 deur die paleontoloog Alcide d'Orbigny genoem na Tours in die Franse département Indre-et-Loire.

Die basis van die etage word gedefinieer deur die eerste voorkoms van die ammoniet Watinoceras devonense, en die bokant deur die eerste voorkoms van die tweekleppige Cremnoceramus rotundatus. Belangrike gidsfossiele vir die tydperk is die tweekleppiges Inoceramus schloenbachi, Inoceramus lamarcki en Inoceramus labiatus.

Die globale stratotipepunt vir die basis van die Turonium is naby Pueblo in Colorado, VSA.^[2]