Volksrust

Volksrust is 'n groot dorp in Mpumalanga, Suid-Afrika aan die KwaZulu-Natalgrens.

Die SAR Klas 19D 2696 (4-8-2) op Volksrust.

Volksrust
Dorp
Die NG kerk Volksrust, ontwerp deur Gerard Moerdyk
Volksrust  Volksrust se ligging in Mpumalanga
Koördinate: 27°22′S 29°53′O
Land	Suid-Afrika
Provinsie	Mpumalanga
Distrik	Gert Sibande
Munisipaliteit	Pixley ka Seme
Stigting	1881
Oppervlak [1]
• Totaal	25,43 km2 (9,82 vk. myl)
Hoogte	1 659 m (5 443 ft)
Bevolking  (2011)[1]
• Totaal	24 281
• Digtheid	955/km2 (2 470/vk. myl)
Rasverdeling (2011) [1]
• Wit mense	16.5%
• Indiërs/Asiërs	2.0%
• Bruin mense	1.7%
• Swart mense	79.6%
• Ander	0.3%
Taal (2011) [1]
• Zoeloe	72.4%
• Afrikaans	15.8%
• Engels	4.4%
• Suid-Sotho	1.7%
• Ander	5.7%
Poskode (strate)	2470
Poskode (posbusse)	2470
Skakelkode	017
Webwerf	volksrust.com

Geskiedenis

Die Zuid-Afrikaansche Republiek het in 1888 besluit om 'n dorp op die rand van die Drakensberg naby Natal te stig. Die dorp is toe gestig naby die plek waar die Slag van Majuba plaasgevind het tydens die Eerste Vryheidsoorlog waarin die Zuid-Afrikaansche Republiek se vryheid van Brittanje herwin is. Dorothea de Jager, 'n dogter van Dirk Uys, een van die Majuba-slagoffers, het die dorp Volksrust genoem, oënskynlik omdat dit is waar die ZAR-soldate gerus het.

Tydens die Tweede Vryheidsoorlog het die Britte 'n konsentrasiekamp hier gebou waarin baie vroue en kinders gesterf het.

Volksrust het in 1904 'n munisipaliteit geword.

Landbou

Die distrik is 1 870 km² groot. Die dorp is 'n belangrike bees-, suiwel-, mielie-, sorghum-, wol- en sonneblomproduksieplek.

Kragsentrale

Majuba, een van Eskom se kragsentrales, is hier naby geleë.

Bekende persone gebore in Volksrust

• Rolene Strauss - Mej. Wêreld 2014
• Cor Dirks - skrywer van jeugboeke
• Willem Kamp – skrywer en digter

Sien ook

• Konvensiebrug
• Lys van dorpe in Suid-Afrika