Anette Langendorf

D Anette Langendorf^[1] (* 3. Jänner 1894 z Leipzig as Antonie Glanzmann; † 23. Juuni 1969 z Mannem) isch e dytschi Bolitikeri (KPD) gsii. D Langendorf het em Landdaag vu dr Republik Baade un em Landdaag vu Wiirtebäärg-Baade aagheert.

d Anette Langendorf (um 1929)

Lääbe

D Langendorf isch z Leipzig uf Volksschuel gange un het am 1908 e Handelsleer gmacht un im Gaschthuus vu irem Vater gschafft. 1910 isch d Familie uf Mìlhüüsa im Elsiss zooge, wo ire Vater as Gwäärchschaftssekreteer gschafft het. Noch em Umzuug uf Löörech 1914 het si bi dr deertige AOK gschafft. In dr Zyt vu dr Novämberrevoluzioon isch si Sekreteeri bim Löörecher Volksroot gsii. 1920 het si dr Rudolf Langendorf ghyroote, wu doodmool im Arbaiter- un Soldaateroot aktiiv gsii isch. Mid im hed si zwai Chinder ghaa, doodrunter dr Kurt Langendorf.

D Anette Langendorf isch anne 1910 in d SPD yydrätte, isch 1919 zue dr USPD un zwai Joor speeter zue dr KPD gwägslet. Zäme mit irem Mann het si zue dr Mitgrinder*ne vu dr KPD z Löörech gheert.

Anne 1921 isch d Familie uf Friedrichsfeld zooge, wu d Langendorf 1922 zur Gmaiveroornete gweelt wooren isch. No dr Yygmaindig vu Friedrichsfelds zue Mannem isch si ab 1930 Stadtverooneti z Mannem gsii. D Langendorf hert zeerscht as Kunterischti gschafft, speeter as Redakzioonssekreteeri bi dr Mannemer Arbaiterzytig. Ire Mann isch im Zämmehang mit de baadische Uurueje 1923 speeter zue drei Joor Haft verurdailt woore.

Vu 1929 bis 1933 het si em baadische Landdaag aagheert, glychzytig isch si Barteisekreteeri vu dr KPD z Mannem gsii.

In dr NS-Zyt isch si 1933/34 us bolitische Grind inhaftiert woore. Anne 1942 sin sii un ire Mann im Zämehang mit em Verroot vu dr Lechleiter-Wiiderstandsgruppe feschtgnuu woore. D Anette Langendorf^[2] isch wiider freigloo woore, ire Mann am 15. Septämber 1942 hiigriichtet. Drei Dääg speeter isch si wiider verhaftet un im KZ Ravensbrück interniert woore, wu si zäme mit dr Erika Buchmann versuecht het, Schuelige abzhalte, gfeerdeti Gnossene z verstecke un Wiiderstand z laischte. Ire Suun Kurt isch in e Stroofkumpeny versetzt woore.

No dr Befreiig vum Nazionaalsozialismus het d Langendorf am bolitische Neiaafang mitgschafft. Si het 1946 dr Vorlaifige Volksverdrättig un dr Verfassigsgeebende Landesversammlig fir Wiirtbäärg-Baade aagheert. Ab em 1. Oktoober 1947 isch si as Nooruggeri fir dr Jakob Ritter, wu sy Mandaat niiderglait ghaa het, Abgoorneti im eerschte Landdaag vu Wiirtebäärg-Baade gsii.

Vu 1945 bis 1956 het si em KPD-Landesvoorstand aagheert. Im Gmairoot vu Mannem isch si e baar Joor lang Frakzioonsvoorsitzeri vu dr KPD gsii. Noch em Verbot vu dr Bartei 1956 het si em Gmairoot no bis 1959 as barteiloos Mitgliid aagheert.

Anne 1968 isch si in di nei grindet Dytsch Kummenistisch Bartei (DKP) yydrätte.

Literatuur

• Ina Hochreuther: Frauen im Parlament. Südwestdeutsche Abgeordnete seit 1919. Stuttgart 2012, ISBN 978-3-923476-16-9.
• Wolfgang Brach: Der Mannheimer Gemeinderat 1945–1984. Mannheim 1984, ISBN 3-87804-162-4.
• Hermann Weber, Andreas Herbst: Deutsche Kommunisten. Biographisches Handbuch 1918 bis 1945. 2., überarbeitete und stark erweiterte Auflage. Dietz, Berlin 2008. ISBN 978-3-320-02130-6 (Online

Weblink

 Commons: Antonie Langendorf – Sammlig vo Multimediadateie

• d Antonie Langendorf im Gedänkbuech vum Landdaag vu Baade-Wiirtebäärg
• Die Lechleiter-Gruppe in dr online-Bresäntazioon vu dr Uusstellig Widerstand gegen den Nationalsozialismus vum 7. Septämber bis zum 5. Oktoober 2002 vu dr Gschiichtswäärchstatt vum Buurgerverain Mannheim-Gartenstadt
• Reede vu dr Antonie Langendorf im Baadische Landdaag in de Digitaale Sammlige vu dr Baadische Landesbiblioteek