BLS RABe 528

Der BLS RABe 528, ou unerem Name MIKA bekannt, was moderne innovative kompakte Allroundzug bedütet, isch der neu Regioexpress und S-Bahn-Zug vo der BLS und ghört zur neue Flirt 4 Famili. Im Jahr 2022 sinds nur no sekundär igsetzt.

BLS RABe 528
BLS RABe 528 107 bei der Einfahrt in Ramsei
Nummerierig:	RE: 101–130, S-Bahn: 201–228
Azahl:	58
Hersteller:	Stadler Rail
Baujohr:	2021–
Achsformel:	Bo' Bo' 2' 2' 2' Bo' Bo
Spurwiiti:	1435 mm
Längi über Kupplig:	104 900 mm
Längi:	105 m
Höchi:	4260 mm
Breiti:	2880 mm
Dienstmasse:	182.0 t
Höchstgschwindigkeit:	160 km/h
Afahrzugkraft:	1,3 m/s2
Sitzplätz:	242 (RE), 240 (S-Bahn)
Stehplätz:	200 (4 P. /m²)
Fuessbodehöchi:	Niederflur 600 mm, Hochflur 1145 mm
Klasse:	1. und 2.

Gschicht

Im Mai 2017 het d BLS bschlosse, bi Stadler Rail 52 neui Züg (später + 6 Option) als Ersatz für d ältere Züg wie d EW III, RBDe 565 und RBDe 566 II, azschaffe.^[1]

Im Mai 2021 isch der erscht MIKA in Betriib ggange.^[2]

Versione

RABe 528 «RegioExpress» bi Richebach

Siteasicht vom RABe 528 201 iner Version «S-Bahn» ds Frutige abgstellt.

Der MIKA isch ire «RegioExpress» und «S-Bahn» Version bstellt worde.

D «S-Bahn» het 2 Türe pro Wagechaschte und Site zudem hets bi de Endwäge uf der Site vom Wageubergang ds Logo vo der S-Bahn Bärn druf. Der «RegioExpress» het zwar nur halb so viili Türe pro Wagechaschte derfer giz aber es Bistroabteil mit Sitzplätz.

Toufnäme

Ufglistet sind nur d toufte Fahrzüg:

Betriebsnummer	Taufname	Bild
528 101	Luzärn
528 104	Entlebuch
528 109	Langnou i.E.
528 110	Trubschachen1
528 111	La Chaux-de-Fonds [3]
528 114	Frutigen[4]
528 117	Brig-Glis[5]
528 118	Comune di Varzo
528 119	Città di Domodossola
528 120	Wimmis
528 122	Erlenbach im Simmental
528 123	Boltigen[6]
528 202	Neuenegg

¹ Mit Vollwerbig fer Kambly

Speziells

RABe 528 113 wo AKIM gnennt worde isch.

Der RABe 528 213 iner S-Bahn-Usfüehrig als KAMI

Bi der BLS treit traditionell ds 13. Fahrzüg en spezielle Name. Der RABe 528 113 heisst AKIM 113 (MIKA hinderschi geschribe). Der RABe 528 213 isch KAMI gnennt worde.

Abem Fahrplanwächsel am 15. Dezember 2024 wärde d Lötschberger ufem RE7 uf Luzärn abglöst und ou d beide Kamblyzüg. D MIKA RABe 528 110 het ein neui Kambly Vollwerbig becho.^[7]

Streckine

D BLS ersetzt mit de RABe 528 älteri Züg uf verschidene Strecke. Paar vo de Züg sind scho ersetzt worde und witeri wärde bis 2025 ersetzt.

Uf folgende Strecke fahre d RABe 528 scho^[8]: (Stand: Dezember 2022)

• 17 Bern – Burgdorf – Olten (Tilwis an Samstäg und Sunntäg)
• 66 Bern – Neuchâtel – La Chaux-de-Fonds
• Bern – Spiez – Brig (– Domodossola) (Wege fählender Zuelassig nur uf Brig)
• Bern – Spiez – Zweisimmen
• Biel/Bienne – Ostermundigen – Frutigen – Goppenstein – Brig (Saisonali Zuesatzzüg, Samstags und Sunntags)
• S 2 Langnau i. E. – Konolfingen – Bern – Flamatt – Laupen BE (Schrittwis, ab April 2022 komplett)
• S 4 Thun – Belp – Bern – Burgdorf – Langnau i. E. (Sporadisch, bis gnueg S-Bahne)
• Thun – Steffisburg – Konolfingen (Teilwis iner HVZ)

Zuekünftig soll der RABe 528 uf folgende Strecke fahre:^[9]

• Bern – Burgdorf – Konolfingen – Thun
• S 5 Bern – Kerzers (Flügelung) – Neuchâtel / Murten/Morat (– Payerne)
• S 6 Bern – Köniz – Schwarzenburg

Uf folgende Strecke fahre d RABe 528 nümme:

• Spiez – Zweisimmen (Ersatzzug Baustelle Bern)
• S 51 Bern – Bern Brünnen Westside
• Lyss – Büren a. A.

Ab Fahrplanwächsel im Dezember 2024 sölle die Züg ou iner Region Luzärn fahre:

• Luzern – Wolhusen – Konolfingen – Bern
• S 6 Luzern – Wolhusen – Langnau i. E./Langenthal
• S 7 Langenthal – Wolhusen (– Luzern als RE)

Links

 Commons: BLS RABe 528 – Sammlig vo Multimediadateie

• Stadler Typenblatt RABe 528 «Regioexpress»