Oberhalbsteiner Alpen

D Oberhalbsteiner Alpe sin e Gebirgsgruppe im Schwyzer Kanton Graubünde. Sinonim brucht d AVE fir des Biet dr Name Plattagruppe. No SOIUSA wäre si Platta-Alpe oder in Aalähnig an dr SAC-Führer «Avers» au Averser Berge gnännt. An e baar wenige Stelle am weschtlige Rand goht d Gebirgsgruppe iber d Staatsgränze bis in di italienisch Provinz Sondrio.

Plattagruppe Oberhalbsteiner Alpe
Piz Platta im Winter Piz Platta im Winter
Höchst Gipfel	Piz Platta (3'392 m ü. M.)
Lage	Graubünde (Schwyz), Provinz Sondrio (Italie)
Iideilig noch	AVE: 64 SOIUSA: 15.I
Koordinate, (CH)	46° 31′ N, 9° 31′ O (758987 / 154516)46.5230555555569.51083333333333392

ff

dep1

dep2

p5

Abgränzig

S Biet wird im Norde ab Splügepass bis Thusis vum Hinterrhy un bis Tüüfakhaschta vu de Albula un im Oschte bis zum Septimer vu dr Julia abgränzt wird. D Wescht- un Sidgränze bilde bis zum Zämefluss z Chiavenna dr Liro un d Maira. Dr hegscht Bärg in dr Region isch dr Piz Platta (3'392 m ü. M.). Vu ihm chunnt au dr Name fir d Alpeclub Sektion vum Biet: Piz Platta SAC.^[1]

Geologisch ghert s ganz Biet (Surettadecki) zum Penninikum un nit zum Oschtalpin un derwäge zue dr Adula-Alpe zellt. Dur d Zwaidailig vu dr Alpe am Splüge in Oscht- un Weschtalpe isch die thematisch Zämefassig ufglest wore. Dr SAC-Fierer Bündner Alpe 3 «Avers» bschrybt s ganz Biet zwische Septimerpass un San-Bernardino-Pass.

Im Norden stoße d Plessur-Alpe, im Oschte d Albula-Alpe, im Side d Bernina-Alpe, im Weschte d Tambogruppe un im Nordweschte d Adula-Alpe an die Gebirgsgruppe.

Untergruppe

• Suretta-Gruppe
  zwische Splügepass un Pass da Niemet
• Piz Timun-Chette
  zwische Pass da Niemet un Passo di Angelago
• Pizzo Stella-Gruppe
  zwische Passo di Angelago un Passo di Lei
• Kette Schiahorn – Piz Galaguin
  zwische Passo di Lei un Passo da la Prasgnola
• Piz-Duan-Gruppe
  sidli vum Pass della Val da Roda
• Tscheischhorn-Chette
  ab Bergalgapass zwische Madrischer Rhy un zwische Bergalgabach un Averser Rhy
• Chette Gletschhorn – Piz Piot
  zwische Bergalgapass un Jufer Joch vu Bergalgabach, Jufer Rhy un Val da la Duana umgränzt
• Chette Piz Turba – Piz Scalotta
  zwische Fuorcla da Faller (nerdli Juf), Jufer Joch un Pass da Sett
• Piz Platta-Gruppe
  zwische Fuorcla Curtegns un Juf
• Forbesch–Ablatsch-Massiv
  ab Fuorcla Curtegns zwische Ava da Faller un Val Curtegns
• Piz Grisch-Gruppe
  sidli vum Pass da Schmorras
• Piz Curvér-Gruppe
  nerdli vum Pass da Schmorras

Literatur

• Clubführer SAC: Bündner Alpen 3, Avers (San Bernardino bis Septimer)
• Sergio Marazzi: La “Suddivisione orografica internazionale unificata del Sistema Alpino” (SOIUSA) (PDF; 1,52 MB)

Weblink

 Commons: Oberhalbsteiner Alpe – Sammlig vo Multimediadateie