From Wikipedia, the free encyclopedia
23 H. Camelopardalis (HD 46588 / HR 2401) ye una estrella de magnitú aparente +5,45[8] na constelación de Camelopardalis, la xirafa.
23 H. Camelopardalis ye una nana mariella de tipu espectral F7V. Tien una temperatura superficial de 6165 K y ye llixeramente más masiva que'l Sol, con una masa de 1,08 mases solares.[9] El so tamañu ye más grande que'l del Sol —el so diámetru ye un 20% mayor—[9] y xira sobre sigo mesma con una velocidá de rotación proyeutada de 6,6 km/s.[10] Nun amuesa actividá cromosférica y la so edá, envalorada según esti criteriu, podría superar a los 7000 millones d'años. Sicasí, teniendo en cuenta la so actividá na rexón de rayos X, la so edá más probable ye d'unos 4400 millones d'años,[11] cifra que tamién correspuende a la edá envalorada per aciu d'isocrones.[12]
23 H. Camelopardalis presenta una menor bayura relativa de metales que'l Sol, tando entendíu'l so índiz de metalicidá [Fe/H] ente -0,11 y -0,25.[13][12] El conteníu de tolos elementos evaluaos ye inferior a la solar, siendo'l emprobecimientu más acusáu nel casu del cobre y samariu; la bayura relativa d'esti últimu metal ye una cuarta parte de la solar. Hai de solliñar tamién el so baxu conteníu d'oxíxenu, unu de los menores ente un grupu de 216 estrelles d'asemeyaes carauterístiques. Otra manera, el so conteníu de litiu (logє[Li] = 2,61) ye notablemente más eleváu que'l del Sol.[13]
23 H. Camelopardalis pue ser una binaria espectroscópica con un periodu orbital de 60 díes, magar que la so duplicidá nun ta confirmada. La naturaleza de la compañera estelar nun ye conocida, pero especulóse que quiciabes seya una nana con una temperatura de 4100 K y una masa de 0,6 mases solares. La diferencia de rellumu ente les dos estrelles pue ser d'unes 4,3 magnitúes.[9]
HD 33564 alcuéntrase a 58,3 años lluz del Sistema Solar. HD 62613, distante 4,1 años lluz, ye la estrella conocida más cercana a ella.[14]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.