Nueva Jersey
From Wikipedia, the free encyclopedia
From Wikipedia, the free encyclopedia
Nueva Jersey ye un estáu de los Estaos Xuníos. Asitiáu nel noreste del país, na rexón conocida como Mid-Atlantica (Atlánticu Mediu), ye una península arrodiada: al norte y l'este, pel estáu de Nueva York; al este, el sur y el sureste pel océanu Atlánticu; al oeste pel ríu Delaware y Pennsylvania; y pel estáu de Delaware y la bahía homónima al oeste. Ye'l cuartu más pequeñu, por estensión, del país, pero los sos 8.944.469 habitantes (U.S. Census Bureau, 2016) faen d'elli el decimoprimeru más pobláu del país y el de mayor densidá de población. Ye, amás, el tercer estáu con mayor ingresu mediu por hogar del país[1].
Nueva Jersey | |||||
---|---|---|---|---|---|
| |||||
Alministración | |||||
País | Estaos Xuníos d'América | ||||
ISO 3166-2 | US-NJ | ||||
Tipu d'entidá | Estaos d'Estaos Xuníos | ||||
Capital | Trenton | ||||
Gobernador de Nueva Jersey | Philip D. Murphy (es) | ||||
Nome llocal | State of New Jersey (en) | ||||
Llingües oficiales | inglés | ||||
División |
ver
| ||||
Xeografía | |||||
Coordenaes | 40°00′N 74°30′W | ||||
Superficie | 22591.4 km² | ||||
Llenda con | Nueva York, Pennsylvania y Delaware | ||||
Puntu más altu | High Point (en) | ||||
Puntu más baxu | Océanu Atlánticu | ||||
Altitú media | 75 m | ||||
Demografía | |||||
Población | 9 288 994 hab. (1r abril 2020) | ||||
Densidá | 411,17 hab/km² | ||||
Viviendes | 3 272 054 (31 avientu 2020) | ||||
Más información | |||||
Estaya horaria | Horariu del este de Norteamérica, UTC−05:00 y America/New_York (es) | ||||
Fundación | 18 avientu 1787 | ||||
nj.gov | |||||
El territoriu de la península na que s'asienta Nueva Jersey foi habitáu por tribus natives americanes demientres más de 2.800 años. A entamos del sieglu XVII los holandeses y los suecos foron los primeros europeos que construyeron asentamientos nesti territoriu[2]. Sicasí, posteriormente foi'l reinu d'Inglaterra el que se fizo col control del territoriu[3], nomándolo, n'alcordanza de la mayor de les islles de la Canal, Xerséi, provincia de New Jersey[4], y cediéndolu, como una colonia, a Sir George Carteret y John Berkeley.
L'estáu foi escenariu de delles batalles decisives na Revolución Americana que dio orixe a los Estaos Xuníos. Nel sieglu XIX, les fábriques instalaes nes ciudaes conocíes como Big Six[5] (Camden, Paterson, Newark, Trenton, Jersey City y Elizabeth) ayudaron a dá-y puxu a la Revolución Industrial nel país. Na segunda metá del sieglu XX la posición estratéxica del estáu, nel centru de la megalópolis del Noreste, metanes Boston y New York City al noreste y Filadelfia, Baltimore y Washington D.C. al suroeste, emburrió'l so rápidu crecimientu y al desarrollu d'un acusáu procesu de suburbanización. A entamos del sieglu XXI esa suburbanización entamó a revertise de manes del asentamientu de grupos de población de base étnica, que ta favoreciendo un proceso de reurbanización, constatándose, dende 2008 un aumentu de población mayor nos nucleos urbanos averaos a les estaciones de ferrocarril que lleven a la xente a trabayar a les grandes ciudaes de la megalópolis que nos suburbios que desixen un usu intensivu del automóvil[6].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.