O Carballiño
conceyu de la provincia d'Ourense From Wikipedia, the free encyclopedia
O Carballiño[3] (Carballino en castellanu)[4][5][6][7] ye un conceyu de la provincia d'Ourense, en Galicia, España. Pertenez a la Contorna d'O Carballiño y ta arrodiáu pola Serra do Faro y el valle del ríu Arenteiro, el principal afluente del Avia.
 O Carballiño | |||
|---|---|---|---|
 | |||
| |||
| Alministración | |||
| País |  España | ||
| Autonomía |  Galicia | ||
| Provincia |  provincia d'Ourense | ||
| Tipu d'entidá | conceyu de Galicia[1] | ||
| Alcalde d'O Carballiño | Francisco Fumega Piñeiro | ||
| Nome oficial | O Carballiño (gl)[2] | ||
| Códigu postal |
32... | ||
| Xeografía | |||
| Coordenaes | 42°25′47″N 8°04′39″W | ||
  O Carballiño O Carballiño (España)  | |||
| Superficie | 54 km² | ||
| Altitú | 397 m | ||
| Llenda con | Piñor, San Cristovo de Cea, Maside, San Amaro, Leiro, Boborás y O Irixo | ||
| Demografía | |||
| Población |
13 968 hab. (2023) - 6505 homes (2019) - 7522 muyeres (2019) | ||
| Porcentaxe | 4.58% de provincia d'Ourense | ||
| Densidá | 258,67 hab/km² | ||
| Más información | |||
| Estaya horaria | UTC+01:00 | ||
| carballino.gal | |||
 | |||
Ye sede del partíu xudicial d'O Carballiño, que ye'l partíu xudicial nᵘ 7 de la provincia d'Ourense y unu de los 45 partíos xudiciales de Galicia.[8]
Frecuentemente, por cuestión de semeyanza fonética, puede llegar a confundise col términu Carbellino (esti postreru perteneciente a la vecina provincia de Zamora). Dambos términos tienen idéntica etimoloxía.
Llenda colos conceyos d'O Irixo, Piñor, San Cristovo de Cea, Maside, San Amaro, Leiro y Boborás; toos ellos pertenecientes a la provincia d'Ourense.
Unu de los postres típicos son les cañes d'O Carballiño, ye una masa de pastelería espurrida y cortada en cintes, que se va endolcando na caña de ríu, se tuesten nun sartén con muncho aceite, pa dempués rellenar con crema pastelera. Güei forma parte de la producción diaria de cualquier pastelería ourensana, pero les más prestixoses son les d'una familia de la llocalidá d'O Carballiño, por ello incorporaron el nome de la villa del Arenteiro, famosa amás polos sos balnearios.
L'otru platu conocíu ye'l "Pulpo á feira" (Pulpu a la feria), cada añu'l segundu domingu d'agostu, de manera ininterrumpida dende l'añu 1964 celébrase la Festa do pulpo (Fiesta del pulpu) nel Parque Municipal a les veres del ríu Arenteiro.
El 22 de xunetu de 2010 el Pulpo Paul, que predixo la victoria de la Seleición española de fútbol en semifinales y final del Mundial de Sudáfrica 2010, foi nomáu amigu predilectu del pueblu.[11]
El C.D. Arenteiro ye'l club de fútbol más importante de la villa que milita nuna categoría más alta, xugando na Tercer División, cuntando na so haber con más de 500 socios. Qu'en les temporaes 2014/2015 y 2015/2016 ganó la Copa de la Diputación.
Na temporada 2012/2013 se refundó'l Sporting Carballiño militando na 2ª Autonómica Gr.XIII de Galicia, cuntando con unos 150 socios y socios collaboradores.
Puedes atopar más información en https://futbol-carballino.blogspot.com.es/
Carballino cuenta con unu de los meyores y más grandes parques naturales de Galicia onde esfrutar d'una redolada escepcional a los márxenes del ríu Arenteiro y contemplar la diversidá tocantes a la so flora.
Nesti marcu, vamos poder atopar dos de los Balnearios más antiguos y con más solera non yá de Galicia, sinón de toa España: el Gran Balneariu y el de Caldas de Partovia, apocayá remocicáu.
Na llocalidá hai numberoses places hoteleres, lo mesmo que de camping y bungalows, mui cerca del Parque Municipal.
|
|
- Anselmo Bartolomé de la Peña (1644-1729): obispu de Cortona y d'Agrigento.[12]
- Veremundo Arias Teijeiro (1742-1824): arzobispu de les archidiócesis de Pamplona y de Valencia.[13]
- Manuel Arias Teijeiro de Castro (1780-1863): obispu de la diócesis de Santander.[12]
- Vicente Pedrosa Carballeda: unu de los últimos de Filipines.
- Víctor Lago Román (1919-1982): Xeneral de División. Xefe de la División Acorazada Brunete. Asesináu por ETA.
- Salvador Freixedo (1923-): sacerdote católicu español ex-miembru de la Compañía de Xesús. Ufólogo ya investigador de temes paranormales.
- Ismael González Diaz (1939-2015): natural de San Félix de Varón, cineasta y prolíficu creador. Enllaz a la ficha en IMDb.
- [ Josi Lage ] 1971: actriz
- Miguel Mosquera Paans (1964): escritor
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
