13 Ceti
estrella From Wikipedia, the free encyclopedia
Remove ads
Coordenaes: 
0h 35m 14.88s, -3° 35′ 34.237″
13 Ceti (13 Cet / HD 3196 / GJ 23)[7] ye un sistema estelar alcontráu na constelación de Cetus. Asitiáu a una distancia de 69 años lluz del Sistema Solar, tien magnitú aparente +5,20.
La componente principal del sistema, 13 Ceti A, ye una nana mariella de tipu espectral F8V —asemeyada, por casu, a γ Pavonis o a 111 Tauri— con una masa un 18% mayor que la masa solar.[8] La componente secundaria, 13 Ceti B, ye un análoga solar de tipu G0V o G2V que la so masa ye comparable a la solar.[9] El semiexe mayor de la órbita ente los dos componentes ye de 0,23 segundos d'arcu,[10] equivalente a una separación proyeutada de 4,9 UA. Empleguen 6,92 años en completar una vuelta alredor del centru de mases común.[8]
13 Ceti A ye, de la mesma, una binaria espectroscópica con un periodu orbital de namái 2,08 díes. L'acompañante d'esti subsistema, 13 Ceti Ab, ye una estrella de baxa masa (~ 0,35 mases solares). La proximidá ente estos dos estrelles xenera una intensa actividá cromosférica, constituyendo'l par una variable RS Canum Venaticorum, un tipu de variable eruptiva. Como n'otres variables d'esti tipu —ente les que se cunten Capella (α Aurigae) o II Pegasi—, la fluctuación de rellumu ye pequeña, de namái 0,1 magnitúes.[11] El sistema recibe la denominación, tocantes a variable, de BU Ceti.[7]
La metalicidá de 13 Ceti ye comparable a la solar ([Fe/H] = -0,07) y la so edá envalórase en 3800 millones d'años.[12]
Remove ads
Referencies
Wikiwand - on
Seamless Wikipedia browsing. On steroids.
Remove ads