CE Camelopardalis
estrella From Wikipedia, the free encyclopedia
Remove ads
Coordenaes: 
3h 29m 54.743s, 58° 52′ 43.511″
CE Camelopardalis (CE Cam / HD 21389 / HR 1040) ye una estrella variable de magnitú aparente media +4,60.[9] Encuadrada na constelación boreal de Camelopardalis, la xirafa, ye la sesta estrella más brillosa de la mesma.[10]
CE Camelopardalis ye una superxigante blanca de tipu espectral A0I, asemeyáu a Deneb (α Cygni) o a 6 Cassiopeiae. Nun esiste consensu tocantes a la so temperatura superficial; mientres un estudiu da un valor de 11.040 K,[11] otru rebaxa tala cifra a 9730 K.[12] La so lluminosidá bolométrica —considerando toles llonxitúes d'onda— ye bien elevada, 62.700 vegaes mayor que la lluminosidá solar.[12] Per otra parte, el so diámetru angular —0,886 ± 0,009 milisegundos d'arcu—[11] dexa envalorar de manera averada'l so diámetru real. Considerando que s'atopa a 2500 años lluz d'alcuerdu al nuevu amenorgamientu de los datos de paralax del satélite Hipparcos,[12] el so diámetru resulta ser 73 vegaes más grande que'l del Sol, equivalente a 0,34 UA. Xira sobre sigo mesma con una velocidá de rotación proyeutada de 39 km/s.[13]
CE Camelopardalis tien una masa envalorada de 14,95 ± 0,4 mases solares.[12] Alcuéntrase somorguiada nuna nebulosa de reflexón y ye miembru de l'Asociación estelar Cam OB1.[14] Catalogada como variable Alfa Cygni, la so variación de rellumu ye d'apenes 0,03 magnitúes.[15]
Remove ads
Referencies
Wikiwand - on
Seamless Wikipedia browsing. On steroids.
Remove ads