Cymodoceaceae
familia de plantes From Wikipedia, the free encyclopedia
Remove ads
Les cymodoceacees (nome científicu Cymodoceaceae) son una familia de plantes marines monocotiledónees, de climes más o menos templaos, cuantimás presentes n'Australia. La familia ta ruinamente estudiada y quiciabes tenga de ser fundida con Ruppiaceae, familia de la que ye malo d'estremar. La familia ye reconocida por sistemes de clasificación modernos como'l sistema de clasificación APG III (2009[3]) y el APWeb (2001 d'equí p'arriba[2]). Les fueyes de la familia son serrulaes na punta, la inflorescencia ye un visu, les flores solitaries o en grupos zarraos por bráctees, nun tienen periantu, cuando les plantes son dioicas, les flores masculines tienen dos estames con filamentu, y les femenines dos carpelos.
Remove ads
Xunto con Posidoniaceae, Zosteraceae y Hydrocharitaceae formen praderíes marines qu'alluguen complexos ecosistemes oceánicos, por ello son llamaes "camperes marines".
Remove ads
Descripción
- Introducción teórica en Terminoloxía descriptiva de les plantes
Son yerbes perennes, glabres, creciendo somorguiaes n'agües marines; tarmos dimorfos, los inferiores monopódicos y rizomatosos con tarmos curtios y erectos nos nuedos, los erectos con 1–poques fueyes; plantes dioiques. Fueyes alternes o subopuestas, estremaes en llámina y vaina; vaina más persistente que la llámina, dexando un repulgu circular al esprendese, axustada, biauriculada, con 3–dellos nervios paralelos y con escames membranacees infravaginales nes axilas, ápiz obtusu, agudu o 2–3-dentáu. Inflorescencia cimosa o de flores solitaries, ensin espata; periantu ausente; flores estaminaes subsésiles o pedunculaes, formaes de 2 anteres, éstes connaes dorsalmente siquier en parte del so llargor y xuníes a los pedúnculos nel mesmu nivel o en niveles distintos, 4-loculares y con dehiscencia llonxitudinal, polen filamentoso; flores pistilaes sésiles o subsésiles, formaes de 2 carpelos llibres, cada unu con un estilu dacuando estremáu en 2–3 estigmes, óvulu 1 por carpelu, pendilexu. Frutu como aqueniu con pericarpo lapiloso, o como drupa con endocarpu lapiloso y mesocarpo carnosu; granes solitaries.[4]
Remove ads
Taxonomía
La familia foi reconocida pol APG III (2009[3]), el Linear APG III (2009[1]) asignó-y el númberu de familia 42. La familia yá fuera reconocida pol APG II (2003[5]).
Llista de xéneros sensu APWeb[2] (visitáu en xineru del 2009):
- Amphibolis
- Cymodocea
- Halodule
- Syringodium
- Thalassodendron
Ver tamién
Referencies
Enllaces esternos
Bibliografía
Wikiwand - on
Seamless Wikipedia browsing. On steroids.
Remove ads