División rexonal de los Estaos Xuníos

La rexonalización de los Estaos Xuníos nun ye daqué afitao pola xeografía del país nin pola tradición histórica, sinón que vien definida, pa propósitos estremaos, por distintes lleis y regulaciones del gobiernu federal.

División rexonal de la Oficina del Censu

Rexones del país, y les sos divisiones, según la definición del U.S. Census Bureau

La Oficina del Censu de los Estaos Xuníos (United States Census Bureau) define cuatro rexones estadístiques, con nueve subdivisiones^[1]. La definición de rexón de la Oficina del Censu ye "usada ampliamente (...) pa fines de recoyida y análisis de datos"^[2] , y la so subdivisión del país ye la más utilizada pa toa triba de cuestiones^[3][4][5].

Les cuatro divisiones rexonales, coles sos subdivisiones, utilizaes pola Oficina del Censu de los Estaos Xuníos, son les que vienen darréu^[6]:

• Rexón 1: Rexón Nordeste. Abarca dos subrexones o divisiones, formaes polos siguientes estaos:
  • División 1: Nueva Inglaterra (Connecticut, Maine, Massachusetts, New Hampshire, Rhode Islandy Vermont).
  • División 2: Atlánticu Mediu (Nueva Jersey, Nueva York y Pennsylvania).

• Rexón 2: Mediu Oeste (anantes de xunu de 1984 la rexón nomábase Centru Norte^[6]). Abarca dos subrexones o divisiones, formaes polos siguientes estaos:
  • División 3: Centru Nordeste (Illinois, Indiana, Michigan, Ohio y Wisconsin).
  • División 4: Centru Noroeste (Iowa, Kansas, Minnesota, Missouri, Nebraska, Dakota del Norte y Dakota del Sur).

• Rexón 3: El Sur. Abarca trés subrexones o divisiones, formaes polos siguientes estaos:
  • División 5: Atlánticu Sur (Delaware, Florida, Georgia, Maryland, Carolina del Norte, Carolina del Sur, Virxinia, Virxinia Occidental y el distritu de Columbia).
  • División 6: Centru Sureste (Alabama, Kentucky, Mississippi y Tennessee).
  • División 7: Centru Suroeste (Arkansas, Louisiana, Oklahoma y Texas).

• Rexón 4: El Oeste. Abarca dos subrexones o divisiones, formaes polos siguientes estaos:
  • División 8: Estaos de los Montes Rocosos (Arizona, Colorado, Idaho, Montana, Nevada, Nuevu Méxicu, Utah y Wyoming).
  • División 9: Estaos del Pacíficu (Alaska, California, Ḥawai, Oregón y Washington).

División rexonal de la Oficina d'Alministración y Presupuestu

Rexones federales estándar.

La circular A-105 de la Oficina d'Alministración y Presupuestu (Office of Management and Budget, OMB), nomada Standard Federal Regions y espublizada en abril de 1974, establece diez rexones federales estándar, que son d'obligáu siguimientu por toles axencies federales pal establecimientu del so organigrama y el desarrollu de la so actividá. Nos caberos años delles axencies camudaron la so estructura de campu pa facilitar el desarrollu de programes determinaos y pa facilitar la interacción con sus contrapartes llocales, estatales y rexonales, pero pa poder facelo tienen de solicitar l'aprobación de la OMB. Les diez rexones federales estándar son:

• Rexón I: Connecticut, Maine, Massachusetts, New Hampshire, Rhode Island y Vermont.
• Rexón II: Nueva Jersey, Nueva York, Puertu Ricu ya Islles Vírxenes d'Estaos Xuníos.
• Rexón III: Delaware, distritu Columbia, Maryland, Pennsylvania, Virxinia y Virxinia Occidental.
• Rexón IV: Alabama, Florida, Georgia, Kentucky, Mississippi, Carolina del Norte, Carolina del Sur y Tennessee.
• Rexón V: Illinois, Indiana, Michigan, Minnesota, Ohio y Wisconsin.
• Rexón VI: Arkansas, Luisiana, Nuevu Méxicu, Oklahoma y Texas.
• Rexón VII: Iowa, Kansas, Missouri y Nebraska.
• Rexón VIII: Colorado, Montana, Dakota del Norte, Dakota del Sur, Utah y Wyoming.
• Rexón IX: Arizona, California, Hawaii, Nevada, Samoa Americana, Guam, Islles Marianes del Norte y el Territoriu en Fideicomisu de les islles del Pacíficu (estáu independiente dende 1984).
• Rexón X: Alaska, Idaho, Oregón y Washington.

Bancos de la Reserva Federal

Distritos de la Reserva Federal.

La Llei de la Reserva Federal de 1913 dividió'l país en doce distritos, caún con un Bancu de la Reserva Federal. Estos, en conxuntu, formen el Sistema de la Reserva Federal, el bancu central de los Estaos Xuníos. Estos doce bancos son:

1. Boston
2. Nueva York
3. Filadelfia
4. Cleveland
5. Richmond
6. Atlanta
7. Chicago
8. St. Louis
9. Minneapolis
10. Kansas City
11. Dallas
12. San Francisco

División rexonal de la Oficina d'Análisis Económicu

División rexonal de la Oficina d'Análisis Económicu.

La Oficina d'Análisis Económicu (Bureau of Economic Analysis, BEA) define una serie de rexones pa facer comparanzas colos sos datos económicos^[7].

• Nueva Inglaterra: Connecticut, Maine, Massachusetts, New Hampshire, Rhode Island y Vermont.
• Mediu Este: Delaware, distritu de Columbia, Maryland, Nueva Jersey, Nueva York y Pennsylvania.
• Grandes Llagos: Illinois, Indiana, Michigan, Ohio y Wisconsin.
• Gran Llanura: Iowa, Kansas, Minnesota, Missouri, Nebraska, Dakota del Norte y Dakota del Sur.
• Sureste: Alabama, Arkansas, Florida, Georgia, Kentucky, Luisiana, Mississippi, Carolina del Norte, Carolina del Sur, Tennessee, Virxinia y Virxinia Occidental.
• Suroeste: Arizona, Nuevu Méxicu, Oklahoma y Texas.
• Montes Rocosos: Colorado, Idaho, Montana, Utah y Wyoming.
• Llonxanu Oeste: Alaska, California, Hawaii, Nevada, Oregón y Washington.