Douglas Adams

escritor y humorista inglés From Wikipedia, the free encyclopedia

Douglas Adams
Remove ads

Douglas Noël Adams (11 de marzu de 1952, Cambridge  11 de mayu de 2001, Santa Barbara) foi un escritor y guionista radiofónicu inglés, ya historiador galácticu, famosu principalmente pola so serie La guía del autoestopista galácticu. Nel momentu de la so muerte la serie vendiera más de quince millones d'exemplares. Tamién yera conocíu poles sos iniciales DNA, o —por cuenta de la so firma ilegible— como Bop Ad o Bob.

Datos rápidos Vida, Nacimientu ...
Thumb
Tapa d'un llibru de Adams
Thumb
Toallas cola inscripción «Que nun supla la llerza», como homenaxe a Douglas Adams. Al llau de les pallabres atopen los datos GPS de la ciudá d'Innsbruck (Austria), onde Adams tuvo la idea de Hitchhiker's Guide To The Galaxy.
Remove ads

Biografía

A la edá de siete años, Adams camudose a Brentwood (Essex) cola so madre tres el divorciu de los sos padres. Ellí creció xunto a la so hermana Sue. En 1964, la so madre volvió casase. D'esi matrimoniu nacieron los mediu hermanos de Adams, Heather, Jane y James.

En 1969 ingresó na Brentwood-School n'Essex, onde empezó a interesase poles ciencies naturales. Foi nesta dómina cuando empezó a escribir testos que recibieron el sofitu de los sos profesores y colos que ganó dalgún premiu lliterariu menor. La so primer publicación —una revista xuvenil de ciencia ficción— foi una hestoria curtia en tonu d'humor sobre un home que pierde la so conciencia nel Metro de Londres y atópase na oficina d'oxetos perdíos.

Más tarde estudió filoloxía inglesa na Universidá de Cambridge, onde participó nel grupu de teatru risible CULES. Mientres los sos estudios trabayó como becariu pa podese costear un llargu viaxe per Europa, incluyida Turquía. Foi n'unu d'estos viaxes onde tuvo la idea de la so obra más famosa, la Guía del autoestopista galácticu, que-y vieno cuando taba nun prau en Innsbruck lleendo un llibru sobre'l autoestopismo per Europa.

Él mesmu describió l'acontecimientu d'esta manera:

La idea del títulu surdió mientres yo taba bebíu echáu nun campu en Innsbruck (Austria) en 1971. Non particularmente bebíu, sinón la clase d'enfile que tienes cuando tienes un par de stiff Gössers dempués de nun comer nada en dos díes siguíos.
The idea for the title first cropped up while I was lying drunk in a field in Innsbruck, Austria, in 1971. Not particulary drunk, just the sort of drunk you get when you have a couple of stiff Gössers after not having eaten for two days straight.

Adams trabayó mientres los sos estudios universitarios n'otru grupu risible, los Footlights, el que dio orixe a los Monty Python, onde conoció al so amigu Simon Jones. En 1974 terminó los sos estudios col firme propósitu de convertise n'escritor.

De primeres tuvo un ésitu modestu. Trabayó, ente otros, con Graham Chapman, del grupu Monty Python. Nel penúltimu episodiu de Monty Python's Flying Circus apaeció como Pepperpot with nuclear missile, y nel últimu capítulu, Party Political Broadcast on Behalf of the Lliberal Party, collaboró como guionista.

En 1977 consiguió roblar un contratu decisivu pal so futuru pa la emisión d'un programa de radio sobre ciencia ficción. La emisión llamóse The Hitchhiker's Guide to the Galaxy y foi emitida per primer vegada en 1978 pola cadena británica BBC Radio 4. Esta obra, bien modificada y ampliada, foi publicada en forma de triloxía ente 1979 y 1982. L'argumentu de la emisión radiofónica orixinal atopase nel primer volume. En 1984 apaeció un cuartu y en 1992 el quintu. Ésti últimu, Mostly harmless, llevaba'l subtítulu Quintu volume d'una triloxía en cuatro tomos.

En 1991 cásase con Jane Belson, en 1994 nació la so fía Polly Jane. De primeres vivía cola so familia en Londres, pero en 1999 camudose a California, pal rodaxe de la versión cinematográfica de la La guía del autoestopista galácticu.

Adams morrió de secute el 11 de mayu de 2001 d'un infartu que-y sobrevieno mientres taba nun ximnasiu.

Remove ads

El Día de la Toalla

El Día de la Toalla celebrase n'honor a Douglas Adams el 25 de mayu de cada añu, anque la so primer edición en 2011 llevóse a cabu'l 11 de mayu, xustu dos selmanes dempués de la so muerte. Esi día los fans lleven una toalla mientres tol día n'alcordanza de La guía del autoestopista galácticu. Hai, pos, cierta semeyanza col Bloomsday.

Esti homenaxe a Douglas Adams realizase n'honor a la so obra más famosa y a ún de les traces más identificativos de la so gran obra: la toalla, una y bones tou autoestopista galácticu tien de llevar una.

Radiu City Ecuador produció una serie de sesiones (enllaz rotu disponible n'Internet Archive; ver l'historial y la última versión). de radiu sobre una toalla en 2010.

Remove ads

Obres

Doctor Who

Antes d'escribir la serie de La guía del autoestopista galácticu, Adams trabayó na BBC como guionista y escribió tres capítulos de la serie Doctor Who:

  • The Pirate Planet
  • Shada
  • City of Death

La guía del autoestopista galácticu

  • The Hitchhiker's Guide to the Galaxy (1979);
  • The Restaurant at the End of the Universe (1980);
  • Life, the Universe and Everything (1982);
  • So Long, and Thanks for All the Fish (1984);
  • Mostly Harmless (19920);
  • Guión orixinal de la película The Hitchhiker's Guide To The Galaxy (2005). Guión coescrito con Karey Kirkpatrick. Estrenada dempués de la so muerte.

Dirk Gently

Otres obres

  • The Meaning of Life (1983, con John Lloyd)
  • The Hitchhiker's Guide to the Galaxy: The Original Radio Scripts (1985, con Geoffrey Perkins)
  • The Utterly Utterly Merry Comic Relief Christmas Book (1986, editada por Douglas Adams y Peter Fincham), qu'inclúi:
  • Young Zaphod Plays it Safe
  • The Private Life of Genghis Khan
  • A Christmas Fairly Story (sic) por Douglas Adams y Terry Jones
  • A Supplement to “The Meaning of Liff” con John Lloyd y Stephen Fry
  • The Deeper Meaning of Liff (1990, con John Lloyd, versión estendida de The Meaning of Liff)
  • Mañana nun van tar: en busca de les más variopintas especies d'animales en cantu de la estinción (1991, con Mark Carwardine. Títulu orixinal: Last Chance to See)
  • Douglas Adams's Starship Titanic (escritu por Terry Jones —quien afirma qu'escribió tol llibru tando desnudu— basáu nuna idea de Adams)
  • The Salmon of Doubt (2002)
  • Guía atea de la Navidá (testu)

Referencies

Enllaces esternos

Loading related searches...

Wikiwand - on

Seamless Wikipedia browsing. On steroids.

Remove ads