Eta2 Hydri
From Wikipedia, the free encyclopedia
Remove ads
Coordenaes: 
1h 54m 56.131s, -67° 38′ 50.291″
Eta2 Hydri (η2 Hyi / HD 11977 / HR 570)[10] ye una estrella na constelación de Hydrus de magnitú aparente +4,69. Ensin nome propiu tradicional, comparte la denominación de Bayer Eta con Eta1 Hydri, magar nun esiste rellación física ente dambes estrelles. En 2005 anuncióse'l descubrimientu d'un planeta estrasolar orbitando alredor d'Eta2 Hydri.
Asitiada a 217 años lluz de distancia del Sistema Solar, Eta2 Hydri ye una xigante mariellu-naranxa de tipu espectral G8.5III.[10] De similares carauterístiques a Vindemiatrix (ε Virginis) o Altais (δ Draconis), el diámetru d'Eta2 Hydri ye 13 vegaes más grande que'l del Sol. Tien una temperatura efectivo de 4975 K y una lluminosidá 74 vegaes mayor que la lluminosidá solar. Con una masa de 1,9 mases solares, la so edá envalórase en 1250 millones d'años; nel pasáu probablemente yera una estrella de la secuencia principal de tipu A.[11] La so metalicidá (bayura d'elementos más pesaos que'l heliu), ye menor que la del Sol, aproximao un 60% de la mesma.[12]
Remove ads
Sistema planetariu
El planeta, denomináu HD 11977 b, tien una masa igual o superior a 6,54 vegaes la masa de Xúpiter. Orbita alredor de la estrella a una distancia media de 1,93 UA con periodu orbital de 711 díes, magar la órbita ye considerablemente escéntrica (ε = 0,40).[11]
Remove ads
Ver tamién
Referencies
Wikiwand - on
Seamless Wikipedia browsing. On steroids.
Remove ads