Gamma Hydrae
From Wikipedia, the free encyclopedia
Remove ads
Coordenaes: 
13h 18m 55.298s, -23° 10′ 17.45″
Gamma Hydrae (γ Hya / 46 Hydrae)[6][7] ye la segunda estrella más brillosa de la constelación d'Hidra con magnitú aparente +2,96, detrás d'Alfard (α Hydrae). Dacuando se la llapada Cauda Hydrae o Dhanab al Shuja, que'l so significáu ye «la cola de la hidra» o «la cola de la culiebra», pola so situación dientro de la constelación. Alcuéntrase a 132 años lluz de distancia del Sistema Solar.
Gamma Hydrae ye una xigante mariella de tipu espectral G8III (o G8IIIa) y 5110 K de temperatura efectivo,[8] el mesmu tipu espectral que la componente menos caliente de Capella (α Aurigae). Más lluminosa qu'ésta —la so lluminosidá ye 105 vegaes mayor que la del Sol—, tien un radiu ye 13 vegaes más grande que'l radiu solar. Presenta un conteníu metálico cuasi igual al del Sol, siendo'l so índiz de metalicidá [Fe/H] = +0,03.[8] Tien una masa ente 2,7 y 2,9 mases solares,[9]la so edá envalórase en 370 millones d'años.[10]
A diferencia d'otres xigantes clásiques que funden heliu, Gamma Hydrae remató namái apocayá la fusión d'hidróxenu. Anguaño con un nucleu inerte d'heliu, ta nun estáu de transición escontra una estrella más grande y lluminosa, conforme'l nucleu d'heliu contráise. Cuando empiece la fusión del heliu en carbonu y oxíxenu, Gamma Hydrae va ser seis veces más brillosa que na actualidá y cuasi cinco veces más grande. Darréu'l so tamañu va menguar a proporciones más normales como les de Pólux (β Geminorum) y Aldebarán (α Tauri).[9]
Gamma Hydrae ta catalogada como una posible estrella variable, recibiendo'l nome provisional de variable NSV 6180.
Remove ads
Referencies
Wikiwand - on
Seamless Wikipedia browsing. On steroids.
Remove ads