HD 20868
From Wikipedia, the free encyclopedia
Remove ads
Coordenaes: 
3h 20m 42.694s, -33° 43′ 48.374″
HD 20868 (HIP 15578 / CD-34 1218)[9] ye una estrella asitiada na constelación de Fornax, el fornu. Tien magnitú aparente +9,92, polo que nun ye observable a simple vista. En 2008 anuncióse'l descubrimientu d'un planeta estrasolar orbitando alredor d'esta estrella.[10]
Asitiada a 159 años lluz del Sistema Solar, HD 20868 ye una subxigante naranxa llixeramente evolucionada de tipu espectral K3/4 IV. Más fría que'l Sol, tien una temperatura efectivo de 4795 K. El so radiu ye'l 79% del que tien el Sol y relluma con una lluminosidá equivalente al 30% de la lluminosidá solar.[10]
La metalicidá de HD 20868, datu estrechamente rellacionáu cola presencia de sistemes planetarios, ye comparable a la solar ([Fe/H] = +0,04). Xira sobre sigo mesma más amodo que'l Sol, con una velocidá de rotación envalorada de 1,1 km/s, a la que correspuende un periodu de rotación de 51 díes. Tien una masa de 0,78 mases solares y la so edá nun se conoz con certidume, cifrándose en 4500 ± 4000 millones d'años.[10]
Remove ads
Sistema planetariu
En 2008 foi afayáu un planeta estrasolar en redol a HD 20868 utilizando'l espectrógrafu HARPS instaláu nel Observatoriu de La Silla (Chile). Denomináu HD 20868 b, tien una masa mínimo'l doble de la de Xúpiter. Muévese a una distancia media de 0,95 UA al respective de la estrella. El so órbita, una de les más escéntriques ente los planetes estrasolares conocíos (ε = 0,75), lléva-y dende una separación de 0,237 UA al respective de HD 20868 nel periastru a 1,66 UA nel apoastru. Completa una órbita cada 380,85 díes.[10][11]
Remove ads
Ver tamién
Referencies
Wikiwand - on
Seamless Wikipedia browsing. On steroids.
Remove ads