LHS 1402

Coordenaes: 2^h 24^m 32.265^s, -28^° 54^′ 59.458^″

LHS 1402
estrella[1] y Nana blanca[1]
Datos d'observación
Ascensión reuta (α)	36,134438006203 °[2]
Declinación (δ)	−28,916516093771 °[2]
Distancia a la Tierra	28,8493 pc
Magnitú aparente (V)	18,05 (banda V)
Parallax	34,6629 mas[2]
Tipu espectral	DC[3]
Otros nomes
Ver llista LHS 1402 (Luyten Half-Second catalogue (en) ) NLTT 7934 (New Luyten Two-Tenths catalogue (en) ) Gaia DR2 5068532996689788544 (Gaia DR2 (es) )

LHS 1402 (LP 885-57 / WD 0222-291)^[4] ye una nana blanca asitiada na constelación de Fornax. Distante unos 80 años lluz del Sistema Solar, visualmente ye bien tenue, siendo la so magnitú aparente +18,05.

A diferencia del restu de les estrelles, les nanes blanques como LHS 1402 nun xeneren enerxía por fusión nuclear, sinón que radien al esterior l'escesu de calor a un ritmu constante. Col intre del tiempu, la temperatura superficial va baxando, moviéndose'l espectru d'emisión escontra'l colloráu, procesu que trai un amenorgamientu na lluminosidá. Dichu enfriamientu ye cada vegada más lentu, polo que son bien poques les nanes blanques que la so temperatura efectivo ye inferior a 4000 K —les llamaes nanes blanques ultrafrías»—. Incluyida nesti grupu,^[5] LHS 1402 tien una temperatura de 3240 ± 70 K, asumiendo una composición mista d'hidróxenu y heliu.^[6] La so lluminosidá de namái 0,000035 soles; a títulu comparativu, la Estrella de Van Maanen, nana blanca cercana al Sistema Solar, ye 5 vegaes más lluminosa. Consecuentemente, piénsase que LHS 1402 ye un oxetu bien antiguu, que la so edá envalorada —como nana blanca— ye de casi 10.000 millones d'años. Ello ye que créese que puede provenir del vieyu halo galácticu. Tien una masa envalorada de 0,57 mases solares.^[6]